Daniel 9:5 - De Beebaa Dabu

⁵ Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Daniel 9:5 Referans Kwoze

Malachi 3:7

Mai i de masavaa o oodou dubuna madagidagi, gai goodou ne hulo gee i agu muna gu hagasauaa, gai tee daohi mee nei. Goodou aahe mai gi de au, gai au ga ahe adu gi goodou, go Tagi o denga hagabuulinga hebagi e hagadaba. Aagai goodou e hagataba, ‘Dee hee demaadeu hai e aahe adu ai?’

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Daniel 9:15

Gai iainei, de Ia Aamua demaadeu Maadua, go koe ne hagassao ina mai oo dangada i de henua go Egypt i doo lima mmahi, ma de hagamaolunga doo ingoo bei tagodo o anailaa nei, gimaadeu gu haisala, gimaadeu gu hai hegau baubau.

Psalm 106:6

Gimaadeu gu haisala, bei hegau a omaadeu dubuna madagidagi; gimaadeu gu hai mee dee heohi, ma de hai de baubau.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Hosea 1:2

De masavaa a Tagi Maolunga ne daamada ai de tala ana muna i daho Hosea, gai ia ne hai ange gi Hosea, “Hannoo hai bodu ange gi dahi hahine hai be se manu, ma de hagadili hanu dama i ono daho, go hiidinga de gau de henua gu bei dagodo o de hine hai be se manu laa, gilaadeu gu huuhuli gee mai i Tagi Maolunga.”

Ezekiel 6:9

Gai gilaadeu e ola laa ga gaavee gi denga huaahenua gee, e manadua naa au, ma delaadeu hagadaemaha ogu lodo i delaadeu dee hai hegau i de mee abodonu i olaadeu lodo, gai ne huuhuli gee i de au, gai gilaadeu ne llodo mmao i olaadeu diinonga. Gilaadeu e kino naa donu i gilaadeu i hiidinga denga hegau baubau alaadeu ne hai, aama alaadeu dahulinga hakino gee alodahi.

Lamentations 1:20

Tagi Maolunga, galo mai diiloo, au gu duasala mmao! Au gu daemaha mmao, gai ogu lodo gu dee baba i hiidinga au ne kona mmao de hai dagu hai. De gadilaasa e daa denga dama i duaahaho; gai de magau gu dagodo hogi i lodo.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Psalm 18:21

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

Psalm 119:102

Au tee tili donu au hagamodu, go hiidinga koe gu agoago mai ai au.

Ezra 9:6

ga dalodalo, ga hai ange: “Dogu Maadua, au gu dogaa mmao i de dangage age luoogu mada e galo age gi de goe, go hiidinga omaadeu haisala gu maolunga ange i omaadeu biho, gai omaadeu sala gu tae age donu gi de langi.

Psalm 119:176

Au gu silivaahea saele bei dagodo o ssiibi gu dee maleva laa; humai saalaa doo dangada hai hegau, go hiidinga au e dee ngalo donu au hainga.

Jeremiah 44:3

go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Lamentations 3:42

ma gi hagataba, “Gimaadeu gu haisala ma de hagamaanege, gai koe tigi degi mai gi gimaadeu.

Daniel 9:9

De Ia Aamua demaadeu Maadua e abodonu ma de degi mai gi omaadeu haisala, e dee galemu donu gimaadeu ne hai baasi adu gi de ia;

2 Kings 18:12

Mee nei ne hai i hiidinga de gau Israel tee hagallongo ange gi muna a Tagi Maolunga, delaadeu Maadua, gai gilaadeu ne hagahaisala dana hagatoo donu hagaheloongoi, go muna alodahi a Moses, tangada hai hegau o Tagi Maolunga ne tala ange gi gilaadeu. Gilaadeu tee hagallongo ange aagena aabe ne daudali ai.

2 Kings 21:15

go hiidinga gilaadeu gu hai denga dahulinga baubau i mada luoogu mada ma gu hagadaemaha ai au, mai i de masavaa o olaadeu dubuna madagidagi ne ssao mai ai i Egypt, ga dae mai ai gi anailaa nei.”

Isaiah 64:4

Mai madagidagi gai dangada tigi langona, be gu tonu ange aagena, aabe gu gidee dahi Maadua bei oo dagodo, ia e balea ange gilaadeu e daalia ange ia.

Jeremiah 14:20

Tagi Maolunga, gimaadeu e tala adu donu omaadeu baubau, ma baubau o omaadeu dubuna madagidagi, go hiidinga gimaadeu gu haisala adu donu gi de goe.

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Ezekiel 5:6

Gai Jerusalem ne kii ange dana hagangadi mee agu hagamodu i denga huaahenua ange laa, ma de kii ange de hai baasi ange gi agu hainga gu hagasauaa i denga huaahenua i luoono baasi, go hiidinga gilaadeu ne tili agu hagamodu gai tee daudali i agu hainga gu hagasauaa.