Daniel 9:21 - De Beebaa Dabu

²¹ de masavaa aagu e tala ai agu muna ma de dalodalo, gai Gabriel, taane aagu ne gidee laa i de midi hagaago ange i taamada, ne hagamoolau ga lele mai gi ogu daha i de masavaa o ssigidaumaha i de ahiahi.

Daniel 9:21 Referans Kwoze

Luke 1:19

Gai tangada de langi ne hai ange gi de ia, “Go au go Gabriel, au e duu i mada luu mada o de Maadua. Au ne hai gi humai gi daalaa adu gi de goe de longo danuaa nei.

Daniel 8:16

Gai au e langona dahi leo e oo mai i ssaalingaa vai go Ulai, ma e hai ange, “Gabriel, daalaa ange gi taane nei de hagadoonunga o de midi hagaago ange.”

Daniel 10:16

Gai tilo, dahi e bei laa hoolinga o tangada ne poo mai luoogu malaungudu. Gai au ga hhuge dogu ngudu ga basa ange ga hai ange gi de ia e duu laa i ogu mada i mua, “Dogu dangada aamua, au gu kona mmao dogu dee baba, i hiidinga o de midi hagaago ange, gai gu deai ogu mahi.

1 Kings 18:36

Gai ga dae mai huu de masavaa e hai ai ssigidaumaha i de ahiahi, gai de pelaabisi go Elijah ga duu i gaogao de mommee o ssigidaumaha ga dalodalo, ga hai ange, “Tagi Maolunga, de Maadua o Abraham, ma Isaac, aama Israel, ailaa nei gai koe haia gi iloo e dangada bolo go koe de Maadua i Israel, gai go au doo dangada hai hegau, gai go koe donu ne hai mai au gi haia hegau nei.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Acts 10:3

Dahi laangi i daha tolu i muli de hualaangi gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”

Daniel 10:18

Gai de ia e bei laa hoolinga o tangada ne poo mai ange hogi au ga hai gu hanu ogu mahi.

Daniel 8:18

De masavaa oona e basa mai ai gi de au, gai au gu seni tao, luoogu mada gu ino gi honga de gelegele. Gai ia ne poo au ga hagaduu age gi lunga.

Isaiah 6:2

Gai hanu seraph e tuu i ono elunga. Gilaadeu e dagiono olaadeu bakau; e dagilua e haoli ai olaadeu mada, e dagilua e haoli ai olaadeu vae, gai e dagilua olaadeu e llele ai.

Psalm 103:20

Duuhia Tagi Maolunga, goodou ono dangada de langi, go goodou de gau mmahi e haia ono lodo, ma de daudali i ana muna.

Exodus 29:39

Gai dahi ssiibi nei e hai ai ssigidaumaha i taiao, gai ssiibi ange laa e hai ai ssigidaumaha i de ahiahi.

Hebrews 1:7

Ia ne hagadaba hogi i dagodo o denga dangada de langi, “Ia e hai ono dangada de langi gi bei denga madangi, gai gi ni dangada hai hegau niiona e bei de ahi e ula.”

Acts 12:7

Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.

Acts 10:9

De laangi i ono dua, i daha tuele, i de masavaa o denga daane laa gu paa ange ai gi de aduhale, gai Peter ne hanage gi tua de hale e dalodalo ai.

Acts 3:1

Dahi laangi gai Peter ma John ne hulo gi de temple i de daa tolu i muli de hualaangi, go de masavaa e dalodalo ai.

Matthew 27:46

Gai tolu aoaa huu gai Iesu ga oo ga hagadaba, “Eli, Eli, lama sabachthani?”, e bei, “Dogu Maadua, dogu Maadua, gu aha gu tili ai naa goe au?”

Daniel 10:10

Gai tilo, dahi lima gu poo mai au ga luuluu au ga hai gi duuduli i luoogu lima ma luoogu duli ma de bolebole.

Ezekiel 1:14

Denga mee mouli laa e kemo bei dagodo o de llaba o de uila.

Ezekiel 1:11

Aanei hoolinga o olaadeu mada. Olaadeu bakau e doha age gi lunga; gai e dagilua olaadeu bakau, gai olaadeu bakau e hagadau hebaa; e dagilua olaadeu bakau e haoli ai olaadeu angaanga.

Psalm 104:4

Ia ne hai denga madangi go ono dangada hagailoo, gai denga uila go ono dangada hai hegau.

Luke 1:26

De ono malama huu ⌊o Elizabeth⌋, gai Maadua ne hai hogi gi humai tangada de langi go Gabriel gi dahi aduhale o Galilee, e hagaingoo ange laa go Nazareth,

Revelation 9:17

Gai aanei dagodo o denga hoosa aagu ne gidee laa i dagu midi ma gilaadeu e kage ai: gilaadeu e kahu i mee buibui hadahada, gai e bei de leebunga o de ula o de ahi ma de hadu hagamogomogo go de sapphire ma sulfur, biho o denga hoosa laa e bei biho o denga laiono, gai de ahi ma de useahi aama sulfur e loomai i lodo olaadeu ngudu.

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Ezekiel 14:14

gai ga nnoho naa donu denga daane dogodolu nei, go Noah, ma Daniel, aama Job i honga de henua, gai go gilaadeu donu huu alaadeu e maua i de hagaola i olaadeu heohi, go de Ia Aamua go Iahweh e hagadaba.

1 Kings 18:29

Gai gilaadeu ne hevaalogi ma de hai mee nei, ga dae ai gi de masavaa o ssigidaumaha i de ahiahi, gai teai donu se leo be se dangada ne basa ange aabe ne anga ange gi alaadeu dalodalo.