Daniel 9:16 - De Beebaa Dabu

¹⁶ De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

Daniel 9:16 Referans Kwoze

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Daniel 9:20

Gai de masavaa aagu e tala ai agu muna ma de dalodalo, ga tala ogu haisala ma haisala o ogu dangada go de gau Israel, aama de dangidangi ange gi Tagi Maolunga dogu Maadua i hiidinga o dono mounga dabu —

Psalm 31:1

Tagi Maolunga, go koe dogu buibui; koe gi dee hagadogaa ina loo au; gai hagaola ina hogi au i doo heohi!

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Psalm 71:2

Hagaola ina mai au ma de hagamouli au i hiidinga koe e heohi; huli mai doo dalinga ma de hagaola mai au.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

2 Thessalonians 1:6

Gai de Maadua e heohi donu, i dana sui ange hegau a dangada e vaivai haia goodou,

Ezekiel 5:14

Gai au e hai naa hogi de aduhale gi se mommee e ngadi dagodo ma de hakadanga ai o denga huaahenua e paa adu gi goe, aama dangada alodahi e seesee mai laa kilaa.

Jeremiah 32:32

Dangada alodahi o Israel ma dangada o Judah gu hai au ma gu bole, i alaadeu hegau baubau alodahi — go gilaadeu ma olaadeu hodooligi, ma olaadeu dagi, ma olaadeu dangada haimeedabu, ma olaadeu pelaabisi, go daane o Judah ma dangada o Jerusalem.

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Psalm 143:1

Tagi Maolunga, hagalaangona dagu dalodalo; hulia mai hagalaangona dagu dangidangi i doo abodonu; humai balea mai au, i hiidinga koe e hai hegau i de muna abodonu ma de heohi.

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Nehemiah 9:8

Gai koe ne gidee bolo ia e hai hegau i de muna abodonu, gai koe ne hai dahi hagatoo donu hagaheloongoi madali ia, bolo koe e gaavange gi dono aamuli de henua o de gau Canaan, ma de gau Heth, ma de gau Amor, ma de gau Perez, ma de gau Jebus, aama de gau Girgash. Koe ne hagasula dau hagatoo donu, go hiidinga koe e heohi.

1 Samuel 2:7

Tagi Maolunga e hai hanu gi hagaau aloha gai hanu gi lava; ia e hagamaolalo dahi, gai e hagaamua dahi.

Psalm 85:4

De Maadua, demaadeu Ia Hagaola, hagaola ina gimaadeu, gai hagahelui ina doo dee malangilangi i gimaadeu!

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 32:31

Gai de aduhale nei e hai au ma e lili ma de bole, mai loo i de laangi ne hagaduu age ai ga dae mai ai gi anailaa nei, gai au e aau gee naa donu i mada luoogu mada.

Daniel 11:45

Gai ia e hagatuu age naa ono hale malo danuaa i magavaa o tai ma de mounga mahamaha ma de dabu. Aagai ia e magau naa donu, gai e deai donu se dangada e balea ange ia.

Psalm 89:51

ma de hagammae manava a oo hagadaumee, e Tagi Maolunga, gilaadeu e hakadanga i de ia aau gu hagadabu i de lolo i mommee alodahi.

Ezekiel 22:4

Koe gu doo ange donu gi lo te hainga i hiidinga o au dangada soa ne daa ga maakau, ma dau hai ga hakino gee goe i au diinonga ne hai. Koe gu hai donu gi moolau mai doo laangi e hagaduasala ai, gai oo ngadau gu dai odi donu. Deenei ai, au gu hai goe gi se mee hagadookaa ange gi denga huaahenua ma de hakadanga ange gi denga henua alodahi.