Daniel 9:12 - De Beebaa Dabu

¹² De Maadua ne hagassula ana muna gu tala laa, e hai baasi mai ai gi gimaadeu ma omaadeu dagi, ne dagina gimaadeu, i dana gaamai dahi hai ngadaa laumalie gi gimaadeu. Gai tigi ai ange donu se hegau bee nei ne hai i lalo de langi, bei mee gu hai ange gi Jerusalem.

Daniel 9:12 Referans Kwoze

Ezekiel 5:9

Go hiidinga o oodou hegau hakino gee alodahi, au e hai adu naa gi goodou dahi mee aagu tigi hai i mua, gai e deai ange naa donu se mee bee nei aagu e ahe ange e hai.

Lamentations 1:12

Dangada e loomai laa ogu gaogao, goodou e dee aanga mai naa donu gi ogu dagodo? Goodou kalo mai diiloo. Gu dahi ange laa hagaduasala bei de hagaduasala, a Tagi Maolunga gu hai mai nei gi de au, i de laangi ne kona ai dono lili?

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

De Beebaa go Job 12:17

Ia e kave gee de gau hagasaele, gu deai olaadeu duulanga, gai e hai de gau hagamodu muna gi bei gilaadeu e llodo ssenga.

Romans 15:8

Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi,

Luke 21:22

Gai aanei laangi o de hagaduasala e hagassula ai mee alodahi gu lava laa i de sisi.

Mark 13:19

Go hiidinga e kona naa de hagaduasala o dangada i laangi laa, gai tigi ai ange se masavaa bee nei, mai i taamada de hai a de Maadua henua i lalo ga dae mai ai gi iainei, gai e deai ange naa hogi se masavaa bee nei i muli mai.

Matthew 24:21

Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Zechariah 1:8

Au ne hai dahi midi hagaago ange i de boo, gai tilo, dahi daane e gage i honga dahi hoosa mmea. Gai ia e duu i magavaa o manu ssomo go denga myrtle i dahi mommee gelo. Gai e hanu hoosa mmea, ma hoosa kaagii, aama hoosa tea e tuu i ono dua.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Ezekiel 13:6

Gilaadeu ne hai denga midi hagaago ange e dee ni muna abodonu, ma de hadu muna i de tala mee tigi loomai. Gilaadeu e hagataba, “Go Tagi Maolunga e hagadaba,” gai e dee go Tagi Maolunga donu ne haia gilaadeu gi loomai, aagai gilaadeu e nnoho bolo ia e hagassula alaadeu muna.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Proverbs 8:16

go au, de heiangi, a denga dagi ma de gau aamua e dagi ai i de heohi.

Psalm 148:11

denga hodooligi o henua i lalo ma huaadangada alodahi, ma de gau aamua ma dagi alodahi o henua i lalo;

Psalm 2:10

Deenei ai, denga hodooligi, goodou gi heiangi, dagi o henua i lalo, goodou gi kana ange.

1 Kings 3:9

Gaamai gi de au, doo dangada hai hegau, de heiangi e dagi ai oo dangada, gi maua ai e au i de vvae de mee danuaa mai i de mee baubau. Gai goai e bau ange gi de dagi doo huaadangada soa?”

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Jeremiah 32:23

Gai de masavaa huu olaadeu ne loomai ga henua ai, gai gilaadeu tee hagallongo adu gi au muna, aabe ne seesee i au hainga; gilaadeu tee hai donu dahi mee daudahi, aau ne tala ange gilaadeu gi haia. Deelaa ai, koe gu hai gi loomai denga hai ngadaa nei alodahi gi gilaadeu.

Jeremiah 39:16

“Hannoo hai ange gi Ebed-Melek taane Ethiopia, ‘E hagadaba Tagi o denga hagabuulinga hebagi, de Maadua o Israel: Tilo, au gu dai hagassula naa de hai ngadaa aagu gu tala e hai baasi ange ai gi de aduhale nei, e dee se danuaa aagu e hai. Gai koe e gidee naa de hai mee nei i de laangi laa.

Jeremiah 44:23

Gai go hiidinga goodou ne hai ssigidaumaha i mee maanongi, ma de hai baasi ange gi Tagi Maolunga i doodou haisala, gai tee hagallongo ange gi muna a Tagi Maolunga, aabe ne daudali i ana hainga ma ana muna gu hagasauaa, aama ana muna gu tala — deenei ai, de hai ngadaa nei gu hai adu gi goodou, bei doodou hai gu gidee ai naa anailaa nei.”

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Zechariah 7:12

Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.

2 Kings 22:16

‘E hagadaba Tagi Maolunga: Tilo, au e gaamai naa de hai ngadaa gi de mommee nei ma ono dangada, bei de hai gu sisi ai laa i lo te beebaa a de hodooligi o Judah gu dau laa.

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.