Daniel 6:3 - De Beebaa Dabu

³ Gai Daniel e dubu ange i de gau hagaseesee dogodolu laa, aama dagi o denga vaaenga e 120, go hiidinga de hagasaalunga o de iloo mee e dagodo i ono daha. Gai de hodooligi gu hagatau e hai ia gi se dagi i de nohoanga hodooligi alodahi.

Daniel 6:3 Referans Kwoze

Daniel 5:14

Au gu langona bolo de hagasaalunga o denga maadua e noho i oo daha, gai de maalama, ma de donu ange, aama de heiangi laumalie e dagodo i oo daha.

Proverbs 22:29

Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

Daniel 5:12

go hiidinga e dahi hagasaalunga danuaa mmao, ma de iloo mee, ma de donu ange, ma de maua i de hagadonu denga midi, ma de hagadonu mee hagasengasenga, aama de hai gi iloo denga mee hai ngadaa, e noho i daho taane go Daniel, go taane a de hodooligi ne hagaingoo ange laa go Belteshazzar. Deenei ai, alumia Daniel gi humai, gai ia ga tala adu de hagadoonunga o muna nei.”

Esther 10:3

Gai taane Ssuu go Mordecai, go togolua i lalo o de hodooligi go Ahasuerus, ia se daane maolunga i daho de gau Ssuu, ma de hagadubu i daho ono dangada, go hiidinga ia ne hagammahi ga ssala de mee e danuaa ange gi ono dangada donu, ma de hai hegau ange gi nnoho paba denga hagadiilinga alodahi.

Daniel 9:23

De masavaa oou ne daamada ai de dalodalo, gai gu basa adu gi dau dangidangi, gai au gu humai e tala adu gi de goe, go hiidinga koe e hagamogomogo mmao ⌊i daho de Maadua⌋. Deenei ai, hagasaelea muna nei ma de hai gi donu ange goe gi de midi:

Proverbs 17:27

Tangada e daohia laa dono alelo se dangada iloo mee, gai tangada daudonu se dangada e donu.

Ecclesiastes 2:13

Au gu gidee bolo de heiangi e danuaa ange i de lodo senga, gai e bei ai hogi, de maalama e danuaa ange i de gohu.

Nehemiah 7:2

Gai au ne hili dogu daina daane go Hanani, ma Hananiah tagi o de hale dagitilo gi dagina Jerusalem, go hiidinga ia se daane e hai hegau i de muna abodonu ma de madagu i de Maadua, gai e deai ange donu se daane e bei ono dagodo.

Daniel 5:7

Gai de hodooligi ga oo ga hagahi dahi gi gaamai de gau hai huuhuaa mee, ma de gau Chaldea, aama gilaadeu e iloo mee o lo te langi. Gai de hodooligi ne hai ange gi denga daane heiangi o Babylon, “Be goai naa huu e maua i de dau muna gu sisi nei ma de tala mai dono hagadoonunga, gai au e hakahu ange naa ia i de malo purple, ma de hagauda ange de hau goolo gi dono ua, ga hai ia go togodolu de maolunga i de nohoanga hodooligi.”

Ezra 4:22

Goodou diiloo gi dee ngalo e goodou i de hai de mee nei. Gai gu aha gu dugu ange ai gi sula de mee e hagahai ngadaa ina de hodooligi?”