Daniel 2:41 - De Beebaa Dabu

⁴¹ Gai koe ne gidee bolo luu vae ma dabuvae o de mee laa ni gelegele pigi ma iron e hai ai; deelaa ai, de nohoanga hodooligi laa e dee maua naa donu gi buni, gai hanu ono mahi e bei iron bei dau hai ne gidee ai laa bolo denga iron e hilo ma gelegele pigi.

Daniel 2:41 Referans Kwoze

Revelation 17:12

Gai denga hanga e madaangahulu aau ne gide laa se dinoangahulu hodooligi, gilaadeu tigi kave olaadeu sauaa a e hodooligi ai, gai gilaadeu e kave naa ssauaa ga hodooligi ai i e dahi aoaa madali de manu alasala laa.

Revelation 13:1

Gai au ne gidee dahi manu alasala e hanage i lausedi, gai e madaangahulu ono hanga ma e hidu biho, gai denga hanga e madaangahulu laa iai dagidahi hau, gai honga ono biho iai denga ingoo e hagangadi mee ai de Maadua.

Revelation 12:3

Gai gu hagasula mai ange dahi hagailonga hagalele mouli i de langi: au ne gidee dahi dragon mmea ma de laumalie gai e hidu ono biho ma e madaangahulu hanga, gai e dagidahi hau i honga ono biho e hidu laa.

Daniel 7:24

Denga hanga e madaangahulu laa ni hodooligi e ssula age i de nohoanga hodooligi nei. Gai e dahi ange naa hodooligi e sula age i olaadeu dua. Ia e dagodo gee donu ma denga hodooligi ne loomai laa i mua; ia e hagadee kii naa e dolu hodooligi ange laa.

Daniel 7:7

Dua mee nei, gai au ne hai hogi dahi midi i de boo, gai au ne gidee de haa manu dolodolo gu hanage, gai se manu hagamanavasaa ma de hagamaatagu gai e mmahi. Ono niho e nnui ma de makaga bei iron; gai de manu laa e ngungu ma de gai denga manu, ga dagadagahi mee e doe gi lalo luoono vae. Gai e dagodo gee donu ma denga manu ne loage laa i mua, gai e madaangahulu ono hanga.

Daniel 2:40

Gai de haa nohoanga hodooligi e sula age naa hogi, gai e mmahi bei iron, go hiidinga iron e oha ma de hai ga ssii dagaligiligi mee alodahi. De nohoanga hodooligi laa e oha naa ma de hai ga ssii dagaligiligi mee alodahi, bei de hai a de iron e oha ai laa.

Daniel 2:42

Gai go hiidinga denga dabuvae e hai i iron ma gelegele pigi, deelaa ai, de nohoanga hodooligi laa e mmahi naa i hanu mommee gai e baageaa i mommee ange laa.