Daniel 12:7 - De Beebaa Dabu

⁷ Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 12:7 Referans Kwoze

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.

Daniel 8:24

Ia e sula naa ga mmahi mmao, aagai e dee ni mahi donu niiona. Gai e hagalele mouli naa dana hai e oha ai mee, gai e hagadagadaga age naa i mee alodahi aana e hai. Ia e daa ga maakau denga daane mmahi aama de huaadangada dabu laa.

Revelation 13:5

Gai gu dugu ange de manu alasala laa gi basa hagamaolunga e hagangadi mee ai de Maadua, aama de hagahai hegau dono sauaa i e madahaa ma lua malama.

Revelation 12:6

Gai de hine laa gu savini ga hano gi de vao i de mommee a de Maadua gu lava laa i de hagadabena, gi diiloo ange ai ia i e 1,260 laangi.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Isaiah 62:12

Gai gilaadeu e hagaingoo ange naa go de Gau Dabu, go Dangada a Tagi Maolunga gu Hagaola; gai koe e hagaingoo ange naa go de Aduhale e Saalaa, se Aduhale e dee Dilia.

Deuteronomy 26:19

gai ia e hai goodou gi maolunga ange i denga huaahenua alodahi aana gu hagatuu age. Gilaadeu e tuhi naa ma de tala hagadanuaa oodou dagodo ma de hagadubu goodou, gai goodou e hai naa ga se huaadangada dabu ange gi Tagi Maolunga doodou Maadua, bei dana hai gu tala ai laa.

Deuteronomy 7:6

Go hiidinga goodou se huaadangada gu hagadabu ange gi Tagi Maolunga doodou Maadua. Gai Tagi Maolunga doodou Maadua ne hili goodou, mai i magavaa o dangada alodahi o henua i lalo e hai ai dono huaadangada hagamogomogo.

Daniel 12:6

Gai dahi gilaau ne ssili ange gi taane e gahu laa i malo linen, go de ia e duu laa i honga ssaalingaa vai, “Dee hee maa taulooloa i mua de hagassula denga mee hagalele mouli nei?”

Daniel 11:13

Go hiidinga de hodooligi o ngaiho e ahe ange naa ga hagabuni dahi hagabuulinga hebagi e soa ange i de hagabuulinga i mua; gai dua naa huu hanu ngadau, gai ia e ahe mai naa donu madali de hagabuulinga hebagi soa aama denga goloa hebagi lagolago.

Daniel 8:14

Gai ia ne hai mai gi de au, “E 2,300 laangi; gai muli mai naa huu gai de mommee dabu laa ga hagaahe age ga bei ono dagodo i mua.”

Deuteronomy 32:40

Au e haalo age dogu lima gi de langi e hagatoo donu: i taulooloa dogu mouli ga hano ai,

Luke 21:14

Deenei ai, goodou haia gi paba oodou maanadu i mua nei bolo goodou e dee manavasaa i oodou muna e pasa ange ai.

De Beebaa go Job 27:2

“Au e hagatoo donu i de mouli o de Maadua, go de ia hagamodu ina ogu muna i de heohi, go de Ia Mmahi Mmao laa, go de ia ne haia gi daemaha ogu lodo:

Revelation 4:9

Gai de masavaa naa huu a denga mee mouli laa e daahili ai, ga hagamahamaha ma de hagadubu, aama de hagaahe ange de abodonu gi de ia e noho laa i honga de nohoanga laa, go de ia e mouli laa ga hano ai e dee ngado mai,

Revelation 4:10

gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,

Ezekiel 20:5

ma de hai ange gi gilaadeu, ‘E hagadaba de Ia Aamua go Iahweh: De laangi aagu ne hili ai Israel, gai au ne hagatoo donu ange gi hagadiilinga o Jacob, ma de hagaago ange au gi gilaadeu i de henua go Egypt. Au ne hagatoo donu ange gi gilaadeu, ga hai ange: “Go au go Iahweh doodou Maadua.”

Daniel 10:5

gai au ne galo age gu gidee dahi daane e gahu i malo linen, ma de nnoa dono ungaalodo i dahi mee nnoa e hai i goolo mai i Uphaz.

Daniel 12:8

Au ne langona muna laa, gai au tee donu ange aagena. Gai au ga ssili ga hai ange, “Dogu dangada aamua, dee hee naa de hai e hagalava ai mee nei?”

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Daniel 4:31

De masavaa a de hodooligi e tala ai ana muna nei, gai gu humai dahi leo i de langi, ga hai ange, “De hodooligi go Nebuchadnezzar, aanei mee gu hagamodu adu gi de goe: doo nohoanga hodooligi e kave gee naa mai i oo daha.

Daniel 7:21

Gai de masavaa aagu e galo ange ai ma e tilo mee laa, gai de hanga laa ne hebagi ange gi de gau dabu ga hagadee kii gilaadeu,