Daniel 11:27 - De Beebaa Dabu

²⁷ Gai luu hodooligi laa e hagatau naa i olaau lodo de hai de baubau; gilaau ga hagadau hadu muna naa i delaau nnoho i teebele daudahi, gai alaau hagatau e dee maua naa donu gi ssula, go hiidinga tigi dae mai de masavaa gu hagamodu ange laa gi de hagaodi.

Daniel 11:27 Referans Kwoze

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Psalm 64:6

Gilaadeu e hai dahi hagatau dee heohi, ma de hagataba, “Taadeu hagatau gu hai e danuaa mmao!” Maanadu ma lodo o tangada e gelo mmao.

Daniel 11:40

Gai laangi hagaodi naa huu gai de hodooligi o ngaage e hebagi ange gi de ia, de hodooligi o ngaiho e humai naa ga hebagi ange gi de hodooligi o ngaage i denga hada hebagi, ma daane e kage i honga hoosa aama denga vaga lagolago mmao. Gai ia e hagadee kii naa denga henua lagolago ma de gage mai gi honga denga henua laa bei dagodo o tolona.

Daniel 8:19

Gai ia ga hai mai, “Tilo, au e tala adu gi iloo e goe dagodo o mee e hai i denga laangi hagaodi i hiidinga de bole ⌊o de Maadua⌋; mee nei ni mee e hai i laangi hagaodi i de masavaa gu lava laa i de hagamodu.

Proverbs 26:23

De hagasegesege ange tangada i au muna gai oo lodo e dee se muna abodonu, e bei de gumedi ne hai laa i gelegele, ma gu hagamalamalama laa daha.

Proverbs 12:20

De daahanga dangada e dagodo i lodo dangada e hagatau ina de hai de baubau, aagai gilaadeu e haia laa gi sula de nnoho paba e malangilangi.

Psalm 58:2

Deai, gai goodou e hagasaele donu huu de hai mee dee heohi i oodou lodo; gai oodou lima e vaivai hai dangada i honga de henua.

Psalm 52:1

Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

1 Thessalonians 5:1

Denga daina, e deai haigamaiana demaadeu sisi adu gi goodou dagodo o denga masavaa ma laangi e hai ai mee nei.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Acts 1:7

Ia ne hai ange gi gilaadeu, “E dee se mee niiodou de hai gi iloo de masavaa aama de laangi a Tamana gu hagamodu i dono sauaa.

Daniel 11:29

Gai ia e hagamodu naa dahi masavaa e ahe ai e hebagi ange gi de hodooligi o ngaage, aagai de hanonga laa e dee bei naa de hanonga i mua.

Daniel 10:1

Gai tolu ngadau huu o de hodooligi o Persia go Cyrus, gai gu hagaago ange dahi mee gi Daniel (dahi ono ingoo laa go Belteshazzar). Gai muna nei ni muna abodonu e tala ai dagodo o dahi hebagi laumalie. Gai ia gu donu ange gi dagodo o de midi hagaago ange laa.

Ezekiel 17:9

Gai koe hai ange, ‘E hagadaba de Ia Aamua go Iahweh: E maua naa gi somo de grapevine laa? E aha, e dee unusia age naa madali ono aga ga aau ono hua gi mmae ai? Ono uli alodahi e mmae naa. Gai e dee se dangada mmahi donu, aabe ni dangada soa e unusia age.

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

2 Samuel 13:26

Gai Absalom ne hai ange, “Noo koe e dee hano, gai koe dugua dogu daina go Amnon gi humai madali gimaadeu.” Gai de hodooligi ga ssili ange gi de ia, “Gu aha gu lodo ai naa goe ia gi hano madali goe?”

Daniel 11:28

Gai de hodooligi o ngaiho e ahe naa gi dono henua ga kave denga goloa lagolago madali ia; aagai ia gu baba ange e hai baasi ange gi de hagatoo donu hagaheloongoi dabu. Ia e hagasula naa dana hagatau i mua dono ahe gi dono henua donu.

Daniel 8:17

Gai ia ne humai ga duu i ogu gaogao; gai de masavaa huu oona ne humai ai, gai au gu madagu ga ino luoogu mada gi honga de gelegele. Aagai ia ne hai mai gi de au, “Tama a tangada, koe gi donu ange bolo de midi hagaago ange nei go dagodo o denga laangi hagaodi.”