Daniel 11:22 - De Beebaa Dabu

²² Gai denga hagabuulinga hebagi soa e maoha saele naa i ono mada i mua, aama tagi o de hagatoo donu hagaheloongoi.

Daniel 11:22 Referans Kwoze

Daniel 11:10

Gai ana dama daane e hagadabena naa e hebagi ma de hagabuni mai dahi hagabuulinga hebagi soa mmao; gai gilaadeu e loomai naa bei dagodo o tolona e gage mai laa gi honga de henua ga dae ai gi de mommee buibui makaga o delaadeu hagadaumee.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Daniel 8:25

Gai ia e hai naa ga laumalie de hadu muna i de masavaa oona e hagadagadaga age ai, gai ia e maanadu naa bolo ia e maolunga. Gai de masavaa naa huu olaadeu gu nnoho paba ai, gai ia ga daa gu maakau dangada soa, ma de hebagi ange gi Tagi o denga dagi. Aagai ia e daa naa ga magau, gai e dee se dangada e daia ia.

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Amos 8:8

E aha, e dee ngalungalue naa de henua i hiidinga hegau nei, gai dangada alodahi i honga de henua e tangi naa? De henua alodahi e de hagahonu age naa bei de Nile, gai e hagahonu age naa ga lava ga ahe bei dagodo o de Nile i Egypt.”

Isaiah 28:15

Goodou e hagataba, “Gimaadeu gu hai dahi hagatoo donu hagaheloongoi madali de magau, gimaadeu gu hagaheloongoi ange gi de mommee o de gau maakau. Gai de masavaa naa huu e dae mai ai de hagaduasala laumalie, gai e dee maua gi duu mai gi gimaadeu, go hiidinga demaadeu buibui go de muna hhadu, gai demaadeu mommee mmuni go muna hagasenga.”

Daniel 11:23

Gai dua naa huu delaau hagaheloongoi, gai ia e hai hegau naa i de hagasenga, ga hai go ia e sula ga mmahi, e dee galemu donu e sogoisi donu huu dangada madali ia.