9 Au ne hai hogi Onesimus gi hanadu madali ia, ia se daina hagamogomogo e hai hegau i de mee abodonu, gai se daane donu mai i oodou daha. Gai gilaau ga tala adu ai dagodo o mee alodahi gu hai i kinei.
Tychicus e tala adu naa gi goodou ogu dagodo alodahi. Ia se daina hagamogomogo, gai se dangada hai hegau hogi e hai hegau i de muna abodonu madali au i lodo o Tagi Maolunga.
Gai e bei donu doodou hai ne agoago ai laa i daho Epaphras taadeu soa hai hegau hagamogomogo. Ia se dangada hai hegau hagaduu ngae niio Klisdo i oodou hiidinga.
Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.