Colossians 4:7 - De Beebaa Dabu

⁷ Tychicus e tala adu naa gi goodou ogu dagodo alodahi. Ia se daina hagamogomogo, gai se dangada hai hegau hogi e hai hegau i de muna abodonu madali au i lodo o Tagi Maolunga.

Colossians 4:7 Referans Kwoze

2 Timothy 4:12

Au gu hai Tychicus gi hano gi Ephesus.

Acts 20:4

Gai Sopater taane Berea, tama daane a Pyrrhus, ma Aristarchus ma Secundus luu daane mai i Thessalonica, ma Gaius taane Derbe, ma Timothy, aama Tychicus ma Trophimus, luu daane mai i Asia, ne hulo hogi madali ia.

Titus 3:12

De masavaa naa huu o Artemas aabe go Tychicus e dae adu ai, gai koe hagamoolau humai gi dae mai goe gi ogu daha i Nicopolis, go hiidinga au gu hagatau bolo e noho i kinei ga ui ai de masavaa hagamagalili.

Colossians 4:9

Au ne hai hogi Onesimus gi hanadu madali ia, ia se daina hagamogomogo e hai hegau i de mee abodonu, gai se daane donu mai i oodou daha. Gai gilaau ga tala adu ai dagodo o mee alodahi gu hai i kinei.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Philippians 2:25

Au e maanadu bolo e danuaa dagu hai gi ahe adu taadeu daina go Epaphroditus, ia se daane hai hegau madali au ma de hebagi madali au, go tangada oodou ne hai gi humai gi balea mai au i de masavaa oogu ne duasala ai.

Colossians 1:7

Gai e bei donu doodou hai ne agoago ai laa i daho Epaphras taadeu soa hai hegau hagamogomogo. Ia se dangada hai hegau hagaduu ngae niio Klisdo i oodou hiidinga.