Colossians 4:18 - De Beebaa Dabu

¹⁸ Go au donu go Paul ne siia de hagaboo nei i dogu lima donu. Goodou manadua mai au i dogu noho i lo te hale pono. De abodonu ⌊o de Maadua⌋ gi dagodo i oodou daha.

Colossians 4:18 Referans Kwoze

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

1 Timothy 6:21

go mee a hanu gu tala hagadonu, ga hidi mai ai delaadeu daahuli gee i de gai. De abodonu ⌊o de Maadua⌋ gi dagodo i oodou daha.

1 Corinthians 16:21

Go au donu go Paul ne siia de hagaboo nei i dogu lima.

Hebrews 13:25

De abodonu ⌊o de Maadua⌋ gi dagodo i oodou daha alodahi.

Titus 3:15

Dangada alodahi madali au e gaavadu hogi delaadeu hagaboo gi de goe. Demaadeu hagaboo ange gi gilaadeu alodahi e aaloha i gimaadeu i de gai. De abodonu ⌊o de Maadua⌋ gi dagodo i oodou daha alodahi.

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

2 Thessalonians 3:17

Go au donu go Paul ne siia de hagaboo nei i dogu lima donu. Deenei de hagailonga oodou e iloo ai agu leda alodahi; deenei donu dagu hai e sisi ai.

Colossians 4:3

Goodou dalodalo hogi i gimaadeu, gai de Maadua ga dugu mai ai de masavaa danuaa e tala ai dagodo o Klisdo e dee iloo laa, deenei de hiidinga oogu gu noho ai nei i lo te hale pono.

2 Corinthians 13:14

De abodonu o Iesu Klisdo Tagi Maolunga, ma de aloha o de Maadua, aama de nnoho hagabuni mai i daho de Hagasaalunga Dabu gi dagodo i oodou daha alodahi.

Romans 16:23

Gaius, taane gu abodonu mai nei gi de au ma de nohoanga dabu alodahi i kinei, e gaavadu dana hagaboo gi goodou. Erastus, tangada doange o de aduhale ma taadeu daina daane go Quartus e gaavadu delaau hagaboo gi goodou. [

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Romans 16:22

Go au go Tertius ne siia nei de leda nei, au e hagaboo adu gi goodou i de ingoo o Tagi Maolunga.