Colossians 4:10 - De Beebaa Dabu

¹⁰ Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

Colossians 4:10 Referans Kwoze

Philemon 1:24

madali a Mark, ma Aristarchus, ma Demas aama Luke, go denga daane e hai hegau madali au.

2 Timothy 4:11

Go Luke donu huu i ogu daha. Gai koe gaamai hogi a Mark madali goe, go hiidinga ia e haigamaiana mai donu gi de au.

Acts 19:29

Gai de aduhale laa alodahi gu hellumi, gai dangada ga poo Gaius ma Aristarchus, luu daane Macedonia madali a Paul, ga tagi gilaadeu ga saavini ai gi de mommee e tilo ai hagadaahao,

Acts 27:2

Gai gimaadeu ga kage i dahi vaga o Adramyttium, gu dai malanga laa e hano gi denga daulangaa o denga vaga i de ungaamee go Asia, gai gimaadeu ne dele ga hulo. Gai Aristarchus, dahi daane Macedonia mai i Thessalonica, ne hano madali gimaadeu.

Acts 20:4

Gai Sopater taane Berea, tama daane a Pyrrhus, ma Aristarchus ma Secundus luu daane mai i Thessalonica, ma Gaius taane Derbe, ma Timothy, aama Tychicus ma Trophimus, luu daane mai i Asia, ne hulo hogi madali ia.

Acts 12:12

Gai de masavaa huu a Peter ne donu ange ai gi mee gu hai laa, gai ia ga hano gi de hale o Mary, tinana o John, e hagaingoo ange laa hogi go Mark. Go kilaa e hagabuni ai dangada soa ma e dalodalo.

1 Peter 5:13

De hine i Babylon, go de ia ne hili laa bei oodou dagodo, e gaavadu dana hagaboo gi goodou, aama dagu dama hogi go Mark.

Romans 16:7

Dagu hagaboo ange gi Andronicus ma Junias, luu dangada Ssuu bei ogu dagodo, gai ne hhao hogi gi lo te hale pono madali au. Gilaau ni dangada e hagadubu i daho de gau tala, gai go gilaau i mua ne daudali ange i Klisdo i de au.

Romans 16:2

Goodou balea ange ia i de ingoo o Tagi Maolunga, bei dagodo hegau e heohi i de hai i daho dangada o de Maadua, gai goodou bale ange ia i mee alodahi oona e duasala ai, go hiidinga gu soa dangada aana ne bale ange, gai ia ne bale mai hogi au.

Acts 13:13

Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Acts 13:5

Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Philemon 1:23

Epaphras, taane madali au i lo te hale pono i hiidinga o Klisdo Iesu, e gaavadu hogi dana hagaboo gi de goe,