Colossians 3:8 - De Beebaa Dabu

⁸ Gai iainei goodou dilia gee mee nei alodahi: go de lili, go de bolebole, go de lodo e hebagi ange gi dangada, go de hai samu, aama de vaivai basa.

Colossians 3:8 Referans Kwoze

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Ephesians 4:22

Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Ephesians 5:4

Gai gi deai hogi vaivai muna, be ni muna llodo ssenga, be go de hakadanga i mee baubau. Mee nei e dee heohi donu i doodou hai; aagai goodou gi llodo i de hagaahe ange de abodonu.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Proverbs 29:22

Tangada lillili e hai ga dee heloongoi magavaa o dangada, gai tangada e lili i masavaa alodahi e dee modu de haisala.

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

1 Peter 2:1

Deenei ai, goodou dilia denga maanadu baubau alodahi, ma de hagasenga alodahi, ma de daahanga dangada, ma de magiaa, aama de hai samu alodahi.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Psalm 37:8

Koe gi dee lili, gai dilia de bole; Koe gi dee manavasaa, go hiidinga e hano ga duu ange gi de baubau.

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

Jude 1:8

Gai e bei ai hogi dagodo o de gau naa, alaadeu midi e hai gilaadeu gi haia denga dahulinga hai be se manu, gilaadeu ne hagangadi mee gilaadeu iai ssauaa e dagi ai, ma de pasa hagangadi mee i de gau de langi mahamaha laa.

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

James 2:7

Gai e dee go gilaadeu hogi e hagabaubau ina laa de ingoo dabu oodou gu hagaingoo ai naa?

1 Timothy 1:20

Hymenaeus ma Alexander ni dangada gu dagodo bee nei, gai au gu dugu ange gilaau gi Satan, gi dee hagangadi mee ina ai e gilaau de Maadua.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

Mark 7:22

ma de nnoo hagamau mee, ma de baubau laumalie, ma de hadu muna, ma dahulinga hakino gee, ma de magiaa, ma de hai samu, ma de lodo maolunga, aama de lodo senga.

Revelation 16:9

Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

Proverbs 19:19

Tangada moolau de lili e hagaduasala donu, gai noo koe e hagaola ia, gai koe e ahe ange ga hagaola ia.

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

2 Peter 2:7

gai noo ia ne hagaola taane heohi go Lot, go de ia ne daemaha laa ono lodo i dana gide denga dahulinga hakino gee a de gau baubau,

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.