Colossians 3:6 - De Beebaa Dabu

⁶ Go hiidinga o denga dahulinga nei ne humai ai de bole o de Maadua gi honga o dangada e dee hagallongo ange gi ana muna.

Colossians 3:6 Referans Kwoze

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

1 Peter 1:14

Gai goodou gi bei dagodo o denga dama e hagallongo i muna, goodou gi dee ago ange i denga hagadaagangaa lodo baubau nogo daakodo laa i oodou lodo i de masavaa oodou nogo llodo ssenga ai.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

Isaiah 57:4

Goai oodou e hakadanga ai naa? Gai goai oodou e hagangadi mee naa ma de hagassomo ange oodou alelo aagena? E aha, e dee go goodou dama a de gau hagamaanege, ma hagadiilinga a de gau hadu muna?