Colossians 3:5 - De Beebaa Dabu

⁵ Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Colossians 3:5 Referans Kwoze

Romans 8:13

go hiidinga noo goodou e mouli i lodo o de angaanga, gai goodou e maakau donu; aagai noo goodou e daa gi maakau denga dahulinga o de angaanga i ssauaa o de Hagasaalunga ⌊Dabu⌋, gai goodou e mouli.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

1 Corinthians 6:18

Goodou saavini hulo gee i denga dahulinga dagodo haisala. Haisala ange laa e hai i tua de angaanga, aagai denga dahulinga hai be se manu e hai baasi ange donu gi de angaanga o tangada.

Ephesians 4:19

gu deai donu selaadeu dookaa, gai gu dugu ange olaadeu angaanga e hai ai denga dahulinga dagodo haisala, ma de llodo mmao e hai denga dahulinga hakino gee alodahi.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Romans 7:23

aagai au e gidee dahi hainga gee e hebagi ange gi de hainga i ogu lodo laa, ma de daohi au gi noho i lalo ssauaa o de haisala e dagodo laa i lodo o de angaanga.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

James 4:1

Gai aahee hiidinga e ssula age ai laa denga hebagi, ma de hagadaumee i oodou magavaa? E dee go hiidinga o denga lodo e hagadau hebagi i oodou lodo naa?

1 Corinthians 6:13

“Denga gai se hai e hhao gi lo te dinae, gai tinae ne hai e hhao ai denga gai,” aagai de Maadua e oha naa donu luu mee nei ngaadahi. De angaanga e dee se mee ange gi denga dahulinga dagodo haisala, aagai se mee ange gi Tagi Maolunga, gai Tagi Maolunga ange gi de angaanga.

Romans 6:6

Gidaadeu e iloo bolo odaadeu mouli duai gu daudau i de laagau lui madali ia, e oha ai ssauaa o de haisala, gi dee nnoho ai gidaadeu i lalo ssauaa o de haisala.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Hebrews 12:16

Diiloo gi deai se goodou e hai be se manu aabe e hagangadi mee ina denga mee dabu, bei dagodo o Esau; ia ne hagao dahi gumedi gai, i de boolonga o tama madua.

1 Thessalonians 4:3

Gai aanei lodo o de Maadua, go doodou hai gi dabu goodou, goodou dilia de hai be se manu,

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

Romans 7:5

De masavaa odaadeu e nnoho ai i lodo o de angaanga, gai de hainga e hagahai hegau de lodo haisala e dagodo laa i odaadeu lodo, ga hagadili ai hua e hidi mai ai laa de magau.

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Romans 1:26

Aalaa hiidinga a de Maadua ne tili ange ai laa gilaadeu gi haia denga dahulinga hagadookaa. Denga haahine gu dee llodo e hagahebaa ma denga daane, gai gu hagadau dagodo haisala i olaadeu magavaa,

1 Thessalonians 4:5

Goodou gi dee hai hegau i denga lodo haisala i oodou lodo bei dagodo o denga Gentile, go dangada e dee iloo e gilaadeu de Maadua.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

Colossians 2:11

Gai e bei donu goodou gu tuu dagaholiage i doodou nnoho i lodo o Klisdo, i hiidinga goodou gu tili hegau baubau o de angaanga nei. Gai de tuu dagaholiage nei e dee se mee ne hai i lima o dangada, gai go de tuu dagaholiage a Klisdo.

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Exodus 37:22

Denga gau ma denga laa ne hai gi buni ma de angaanga, gai de laama alodahi ne hai i goolo danuaa ne dugidugi i de haamaa.