Colossians 3:23 - De Beebaa Dabu

²³ Gai be ni aha naa huu oodou e hai, gai goodou haia i de lodo se mee abodonu ange gi Tagi Maolunga e dee ange gi dangada.

Colossians 3:23 Referans Kwoze

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Romans 14:8

Noo gidaadeu e mouli, gidaadeu e mouli e hagadubu ai Tagi Maolunga; noo gidaadeu e maakau, gai gidaadeu e maakau e hagadubu ai Tagi Maolunga. Deenei ai, gidaadeu nii Tagi Maolunga e dee hilihili be gidaadeu e mouli be maakau.

2 Chronicles 31:21

Gai ia ne hagadaga age i mee alodahi aana ne hai i de hale o de Maadua ma dono daudali i hainga ma muna gu tala ange, ma dana ssala de Maadua ga hai mee nei i ono lodo alodahi.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

1 Peter 2:15

Gai de Maadua e lodo goodou gi haia tanuaa, gai goodou ga hai ai gi dee maua e gilaadeu e llodo ssenga i de tala hanu ngadi muna.

1 Peter 2:13

Goodou hagadubu ina denga dagi o dangada alodahi, i hiidinga o Tagi Maolunga: e dee hilihili be se hodooligi maolunga,

Psalm 119:10

Au e ssala goe i ogu lodo alodahi; koe gi dee dugua ngau gi hano gee i au hainga!

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Romans 14:6

Tangada e hagadubu ina dahi laangi e hai e hagadubu ai Tagi Maolunga. Tangada e gaina laa gai alodahi e hagadubu Tagi Maolunga i dana gai mee laa, i hiidinga ia e hagaahe ange de abodonu gi de Maadua; aagai tangada e dee gaina mee laa e hagadubu hogi Tagi Maolunga ma de hagaahe ange ai de abodonu gi de Maadua.

Psalm 119:34

Haia gi donu ange au, gai au ga daohi dau hainga ma de daudali i mee nei i ogu lodo alodahi.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Psalm 119:145

Tagi Maolunga, au e hagahi adu goe i ogu lodo alodahi; basa mai gi dagu dangidangi, gai au ga daudali i au hainga gu hagasauaa.

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Ephesians 5:22

Denga haahine dau bodu, goodou hagadubu ina oodou bodu bei doodou hagadubu Tagi Maolunga.

Psalm 103:1

Dogu hagasaalunga, koe gi duuhia Tagi Maolunga, gai ogu lodo alodahi gi duuhia dono ingoo dabu.