Colossians 3:22 - De Beebaa Dabu

²² De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

Colossians 3:22 Referans Kwoze

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

Colossians 3:20

Denga dama, goodou hagallongo ange gi oodou maadua i mee alodahi, go hiidinga deenei de mee e hagamalangilangi ina de Maadua.

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

Ecclesiastes 5:7

Midi lagolago ma ngadi muna lagolago e deai donu olaadeu haigamaiana. Aagai koe gi madagu i de Maadua.

Philemon 1:16

Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Luke 7:8

Go hiidinga au se dangada hogi e noho i lalo ssauaa o dahi, gai e soa daane hebagi i ogu lalo. Gai noo au e hai ange gi dahi, ‘Hannoo!’, gai ia ga hano; be au e hai ange gi dahi, ‘Humai!’, gai ia ga humai; aabe au e hai ange gi dogu dangada hai hegau, ‘Haia de mee nei!’, gai ia ga hai.”

Matthew 8:9

Go hiidinga au se dangada hogi e noho i lalo ssauaa o dahi, gai e soa daane hebagi i ogu lalo. Gai noo au e hai ange gi dahi, ‘Hannoo!’, gai ia ga hano; be au e hai ange gi dahi, ‘Humai!’, gai ia ga humai; aabe e hai ange gi dogu dangada hai hegau, ‘Haia de mee nei!’, gai ia ga hai.”

Matthew 6:22

“De ganomada go de laama donu o de angaanga. Deenei ai, noo e danuaa luoo ganomada, gai doo angaanga alodahi e maalama;

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Psalm 123:2

Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.

Nehemiah 5:15

Denga goobenaa i ogu mua ne hai ga hai ngadaa dangada, i delaadeu kave gai ma uvaini mai i olaadeu daha, madali e madahaa shekel selevaa, gai olaadeu dangada hai hegau ne vaivai hai hogi dangada. Aagai au tee hai hegau bei gilaadeu, i hiidinga au e madagu i de Maadua.

Genesis 42:18

Gai de hagadolu laangi huu, gai Joseph ga hai ange gi gilaadeu, “Deenei doodou mee e hai gi mouli ai goodou, go hiidinga au e madagu i de Maadua:

Ecclesiastes 8:12

Gai e dee galemu donu tangada baubau e haia laa mee dee heohi i e lau hanonga gai e daulooloa donu dono mouli, gai au e iloo bolo gilaadeu e maatagu i de Maadua e danuaa ange olaadeu dagodo, gilaadeu e hagadubu de Maadua.

Nehemiah 5:9

Gai au ne hai ange, “Oodou hegau gu hai naa e dee heohi donu! E aha, e dee danuaa ange laa doodou maatagu i taadeu Maadua, gi dee dookaa ai gidaadeu i denga huaahenua o odaadeu hagadaumee?