Colossians 3:20 - De Beebaa Dabu

²⁰ Denga dama, goodou hagallongo ange gi oodou maadua i mee alodahi, go hiidinga deenei de mee e hagamalangilangi ina de Maadua.

Colossians 3:20 Referans Kwoze

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Proverbs 6:20

Dagu dama, daohia hainga a doo damana, gai koe gi dee dilia agoago a doo dinana.

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Matthew 19:19

hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.”

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Titus 2:9

Agoagona ange de gau hai hegau dee ilaage gilaadeu gi daudali i lodo olaadeu dangada aamua, ma de hagamalangilangi gilaadeu i mee alodahi, aagai gi dee hagadaumee ange gi gilaadeu.

Ephesians 5:24

De nohoanga dabu e hagadubu Klisdo; gai e bei ai hogi, denga haahine gi hagadubu ina olaadeu bodu i mee alodahi.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Genesis 28:7

Gai Jacob ne hagallongo ange gi muna a dono damana ma dono dinana ga hano gi Mesopotamia.

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Ruth 3:5

Ruth ne hai ange, “Au e hai donu gi bei au muna alodahi gu tala mai.”

Jeremiah 35:8

Gai gimaadeu ne hagallongo ange gi muna alodahi a Jonadab tama daane a Recab, demaadeu dubuna ne tala mai gi gimaadeu. Gimaadeu ma omaadeu bodu, aama amaadeu dama e dee unu donu uvaini i taulooloa omaadeu mouli,