Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.
Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.
Gai Isaac ga gaamai tamaa hine laa gi de hale malo o Sarah, dono dinana, ga hai bodu ange gi de ia; gai Isaac gu aloha i de ia. Deelaa ai, Isaac gu helui dono hinangalosaa i dua de magau o dono dinana.
“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.