Colossians 3:1 - De Beebaa Dabu

¹ Noo goodou gu mouli age madali Klisdo, gai goodou gi hai mee ange gi mee i lunga, go de mommee o Klisdo e noho ai i de baasi madau o de Maadua.

Colossians 3:1 Referans Kwoze

Romans 8:6

De maanadu lodo o de angaanga e dagi ange gi de magau, aagai de maanadu lodo o de Hagasaalunga e dagi ange gi de mouli ma de baba.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

2 Corinthians 4:18

go hiidinga gimaadeu e dee kalo ange e tilo mee e gidee, gai e tilo mee e dee gidee laa. Mee e gidee laa e odi donu, aagai mee e dee gidee laa e daakodo donu ga hano ai.

Colossians 3:2

Goodou hagasaelea mee i lunga, e dee go mee o henua i lalo.

Matthew 6:20

Aagai hagaduulia oodou goloa hagamogomogo i de langi, go de mommee e deai goa iai ma tee hongagelegele baalanga, aagai de gau gaiaa e dee maua i de ulu e gaiaa.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Luke 22:69

Aagai dua iainei gai Tama a Tangada e noho naa i de baasi madau o de Maadua Mmahi laa.”

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei:

Hebrews 8:1

De mee hagamogomogo i lodo amaadeu muna e tala adu deenei: gidaadeu e dahi odaadeu dangada haimeedabu maolunga, e noho i de baasi madau o de nohoanga o de Ia Maolunga Mmao laa i de langi,

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Hebrews 10:12

Aagai dua huu de hai a Klisdo ssigidaumaha i dono angaanga donu, i dahi hanonga, i hiidinga o denga haisala, gai ia gu noho i de baasi madau o de Maadua.

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

Ephesians 4:10

De ia ne hano iho laa go de ia donu hogi ne hanage laa, gi de mommee e maolunga ange i denga langi, gai ia ga hagahoohonu ai mee alodahi.)

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Hebrews 1:13

Gai goai tangada de langi a de Maadua gu hai ange laa, “Noho i dogu baasi madau, ga dae ai gi dagu hai oo hagadaumee go de mommee e dugu ange aagena luoo vae”?

Acts 2:34

David tee hanage gi de langi; aagai ia ne hagadaba, ‘Tagi Maolunga ne hai ange gi dogu Ia Aamua, “Noho i dogu baasi madau

Luke 20:42

Gai David gu hagadaba i de beebaa o denga Psalm, ‘Tagi Maolunga ne hai ange gi dogu Ia Aamua: Noho i dogu baasi madau

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Mark 12:36

Gai David ne hagadaba hogi, i ssauaa o de Hagasaalunga Dabu, ‘Tagi Maolunga ne hai ange gi dogu Ia Aamua: Noho i dogu baasi madau ga dae ai gi dagu hai oo hagadaumee gi nnoho i oo lalo.’

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Acts 7:55

Aagai Stephen gu honu i de Hagasaalunga Dabu, ga galo age gi de langi gu gidee e ia de mahamaha o de Maadua, gai Iesu e duu i de baasi madau o de Maadua;

Matthew 22:44

‘Tagi Maolunga ne hai ange gi dogu Ia Aamua: Noho i dogu baasi madau, ga dae ai gi dagu hai oo hagadaumee gi nnoho i oo lalo.’

Proverbs 15:24

De haiava o tangada heiangi e duu ange gi de mouli, gai e daohi ia gi dee hano iho gi mommee o de gau maakau.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Ecclesiastes 10:2

Lodo o tangada heiangi e dagi ia gi de madau, aagai lodo o tangada lodo senga e dagi ia gi de masui.

Ephesians 5:22

Denga haahine dau bodu, goodou hagadubu ina oodou bodu bei doodou hagadubu Tagi Maolunga.