Colossians 2:8 - De Beebaa Dabu

⁸ Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

Colossians 2:8 Referans Kwoze

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei:

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

Jeremiah 29:8

Gai e hagadaba Tagi o denga hagabuulinga hebagi, de Maadua o Israel: Goodou gi dee dugua ange denga pelaabisi ma de gau e daalaa mee e loomai i oodou magavaa gi hagasengalia goodou, goodou e dee hagallongo ange gi muna a dangada e haia denga midi,

2 Peter 3:17

Deenei ai, ogu soa hagamogomogo, goodou gu iloo donu mee nei, gai goodou dagidiiloo gi dee hagasengalia goodou i alaadeu agoago dee heohi, ga dee maua ai e goodou i de tuu gi makaga.

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

2 John 1:8

Goodou dagidiiloo gi dee dilia e goodou mee oodou gu hagaduu ngae ma gu hai hegau ange aagena, aagai goodou gi maua i de kave doodou hagaoanga alodahi.

Galatians 4:3

Gai e bei ai hogi odaadeu dagodo: de masavaa odaadeu tigi maatua abodonu ai, gai gidaadeu e nnoho i lalo ssauaa o denga hagasaalunga e dagina laa henua i lalo.

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

1 Peter 1:18

Goodou e iloo bolo goodou ne hagaola mai i oodou mouli dee haigamaiana, go mee oodou ne ago mai i daho oodou damana madagidagi, gai tee hagao i hanu mee e moolau laa de llilo, bei selevaa ma goolo,

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

Ephesians 4:20

Aagai e dee deenei doodou hai ne agoago ai i dagodo o Klisdo.

Galatians 1:14

Gai au ne kii ange donu dogu hagammahi i denga hai daumaha a de gau Ssuu i ogu soa ange laa, ma de daudali i tahulinga a odaadeu damana madagidagi.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

Deuteronomy 6:12

gai goodou dagidiiloo goodou kana ngalo Tagi Maolunga, ne hagassao ina mai laa goodou i de henua go Egypt, go de mommee oodou nogo hai hegau hagaduasala ina ai.

Matthew 16:6

Iesu ne hai ange gi gilaadeu, “Goodou kana ange dagidiiloo goodou i mee hagahua a denga Pharisee ma denga Sadducee.”

Matthew 10:17

Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Colossians 2:22

Mee nei alodahi e hulo naa donu ga deai, go hiidinga ni mee ne daamada mai i hainga ma agoago a dangada.

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

Acts 17:18

Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age.

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

Song of Songs 2:15

Booboogia denga gaaduu de vao, go denga gaaduu de vao vaaligiligi, e oohaa laa denga veelengaa grape, go hiidinga adaau veelengaa grape gu aala ono hua.

1 Corinthians 8:9

Gai goodou kana ange gi dee hagabaageaa ina e goodou lodo o dangada e baageaa laa olaadeu kai, i doodou hai hegau i doodou ilaage e hai dahi mee.

1 Corinthians 10:12

Deenei ai, tangada e maanadu laa bolo ia e duu ma e makaga gi kana ange gi dee baguu ia.

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

Colossians 2:23

Gai hainga e usuusuhia ange laa dangada i denga hai daumaha bei nei, ma de hagamaolalo hadu muna, aama de hagaduasala de angaanga o tangada e dagodo be go de heiangi abodonu, aagai e dee maua donu i de bale ange dangada gi dee haia lodo o de angaanga.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.