Colossians 2:4 - De Beebaa Dabu

⁴ Gai au e tala adu muna nei gi deai ai se dangada e maua i de hagasenga goodou i alaadeu muna maimai e hagadaumee adu ai.

Colossians 2:4 Referans Kwoze

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Matthew 24:4

Iesu ne hai ange gi gilaadeu, “Goodou dagitilo gi dee daahangadia goodou.

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

Mark 13:22

Go hiidinga denga klisdo ma pelaabisi hadu muna, e loomai naa ga hai denga hagailonga ma mee hagalele mouli ga daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Revelation 20:8

gai ia e sao mai naa ga hagasenga denga huaahenua i henua i lalo alodahi, e bei go Gog ma Magog, ga hagabuni mai gilaadeu e hagadabena ange gi de hebagi; gai taelodo o de gau laa e bei denga gelegele i gabugabu tai.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

2 Timothy 2:16

Aagai koe huli gee i denga ngadi muna, go hiidinga dangada e haia mee nei e hagadagadaga ange naa donu de baubau.

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

Revelation 20:3

ga tili ange gi lo te geelonga e deai sono dagelo, ga pono de geelonga laa ga hagamakaga, gi dee maua ai e ia i de hagasenga denga huaahenua ga dae ai gi de odi ange de mano ngadau. Gai dua naa huu de masavaa laa gai ia gu tala gi hano saele i dahi masavaa bodobodo.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

1 John 2:26

Au e sisi adu mee nei e tala adu ai dagodo o dangada e llodo laa e dagina gee goodou.

1 John 2:18

Agu dama, gu baa mai donu de aoaa hagaodi! Goodou gu langona bolo de hagadaumee o Klisdo e humai naa, gai gu soa donu hagadaumee o Klisdo gu loomai. Deenei taadeu hai e iloo ai bolo gu dae mai donu de aoaa hagaodi.

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

1 Corinthians 2:4

gai agu muna ma agu agoago tee hai i de heiangi ma de usuusu ange ai dangada, aagai ne hai i ssauaa o de Hagasaalunga ⌊Dabu⌋,

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.