Colossians 2:3 - De Beebaa Dabu

³ Gai go ono daha adaadeu e gide ai de heiangi aama de iloo mee alodahi.

Colossians 2:3 Referans Kwoze

1 Corinthians 1:24

Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

Ephesians 1:8

gu hagadohu mai laa hogi gi gidaadeu i de heiangi alodahi ma de iloo mee.

Matthew 10:26

“Deenei ai, goodou gi dee maatagu i dangada, go hiidinga mee alodahi e hagammuni e hagaago mai naa donu, aagai mee alodahi e dee iloo e hai naa donu ga iloo.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Proverbs 2:4

noo koe e ssala de heiangi bei dau ssala gi maua denga selevaa ma goloa hagamogomogo e gide ngadaa laa,

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

De Beebaa go Job 28:21

De heiangi e hagammuni gi dee gidee e mee alodahi e mouli, gai e hagammuni hogi i denga manu llele i lo te langi.

Colossians 3:3

I hiidinga goodou gu maakau, gai iainei oodou mouli e doange madali Klisdo i daho de Maadua.

Colossians 1:19

Gai de Maadua ne malangilangi i de hai gi daakodo ono dagodo honu danuaa i ono daha,

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —

1 Kings 3:28

Gai ga langona huu e de gau Israel alodahi de hai a de hodooligi ne hagamodu ai de mee laa, gai gilaadeu gu llele mouli i hegau a de hodooligi ne hai, go hiidinga gilaadeu gu tonu ange bolo de Maadua gu gaavange gi de ia de heiangi, gai ia ga hagamodu ai muna i de heohi.

Isaiah 40:14

Goai aana ne ssili ange aagena dahi mee gi donu ange ai ia? Gai goai gu agoagona ange ia i de haiava heohi? Goai e agoago ina ange ia i de iloo mee, aabe go de hagaago ange dono hai e donu ange ai?

Luke 11:49

Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

2 Peter 1:5

Deenei ai, goodou hagammahi haia gi dagodo tanuaa madali oodou kai, gai tanuaa gi madali de iloo mee;