Colossians 2:22 - De Beebaa Dabu

²² Mee nei alodahi e hulo naa donu ga deai, go hiidinga ni mee ne daamada mai i hainga ma agoago a dangada.

Colossians 2:22 Referans Kwoze

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Titus 1:14

gai gilaadeu gi dee hagalaangona denga ngadi daalanga a de gau Ssuu ma muna a dangada gu daahuli gee laa i de muna abodonu.

1 Corinthians 6:13

“Denga gai se hai e hhao gi lo te dinae, gai tinae ne hai e hhao ai denga gai,” aagai de Maadua e oha naa donu luu mee nei ngaadahi. De angaanga e dee se mee ange gi denga dahulinga dagodo haisala, aagai se mee ange gi Tagi Maolunga, gai Tagi Maolunga ange gi de angaanga.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Daniel 11:37

Ia e dee hagadubu naa donu diinonga a ono maadua, be go tiinonga o denga haahine e llodo ai laa, aabe e hagadubu dahi diinonga gee; go hiidinga ia e tala naa bolo ia e maolunga ange i gilaadeu alodahi.

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Revelation 17:18

Gai de hine aau ne gidee naa go de aduhale laumalie e dagina denga hodooligi o henua i lalo.”

Colossians 2:21

“Aude poo ange, aude mamia ange, aude haahaa ina ange”?

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.