Colossians 2:19 - De Beebaa Dabu

¹⁹ Tangada bee nei gu dee pigi ange donu gi de Biho, go Klisdo. Go ia e hagadanuaa ina ma de daohi de angaanga alodahi i denga sugusuguinga ma denga uaua, gi somo danuaa ai bei de hai a de Maadua gu dugu ai.

Colossians 2:19 Referans Kwoze

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

1 Thessalonians 4:10

Gai goodou e aaloha donu i denga daina alodahi i Macedonia. Aagai gimaadeu e dangidangi adu goodou, denga daina, gi haia gi hagadagadaga age oodou aaloha.

1 Thessalonians 3:12

Tagi Maolunga gi haia gi kii ange doodou hagadau aaloha aama doodou aaloha ange gi dangada ange laa, bei tagodo demaadeu aaloha i goodou,

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

Colossians 1:18

Gai go ia de biho o de angaanga, go de nohoanga dabu; go ia taamada gai go ia hugadoo ne mouli age i mua i de gau maakau, deenei ai, go ia tahi i mee alodahi.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

Ephesians 5:29

Go hiidinga e deai donu se dangada e kino i dono angaanga donu, aagai ia e kana ange ga haangai ange ma de hagamogomogo dono angaanga, bei de hai a Klisdo e hai ai laa de nohoanga dabu,

Ephesians 4:3

Gai hagaduu ngae nnoho hagabuni i ssauaa o de Hagasaalunga ⌊Dabu⌋, i de baba e haia laa gi buni goodou.

Ephesians 1:22

Gai de Maadua gu dugu mee alodahi i lalo luu vae o Klisdo, ma de hai ia go de biho o mee alodahi i de nohoanga dabu,

1 Corinthians 3:6

Au ne doo gai Apollos ne hagamaluulu, gai go de Maadua ne haia ga somo.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

1 Corinthians 11:3

Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua.

Ephesians 1:23

go dono angaanga donu, deenei de honu abodonu o Klisdo, go de ia e hagahoohonu ina mee alodahi.

Ephesians 2:21

go ia e daohia gi duu de hale alodahi ma de hai gi se temple dabu niio Tagi Maolunga.

Luke 5:38

Gai dangada e hhao ange uvaini hoou gi lodo gili manu hoou.