Colossians 2:16 - De Beebaa Dabu

¹⁶ Deenei ai, goodou aude dugua ange dahi dangada gi hagamodu ina adu oodou mee e gai be go oodou mee e unu, be go dahi laangi daonga, be go dahi daonga o de duu de maasina i dai, aabe go dahi laangi o Sabbath.

Colossians 2:16 Referans Kwoze

Romans 14:10

Gai gu aha goe gu hagabaubau ai naa doo daina? Gai gu aha goe gu hagangadi mee ai naa doo daina? Go hiidinga gidaadeu alodahi e odi naa donu i de tuu i mada i mua o de nohoanga hagamodu muna o de Maadua.

Galatians 4:10

Goodou e dao denga laangi, ma malama, ma masavaa, aama ngadau!

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

Ezekiel 45:17

Gai go tagi o de henua e haia mee e hai ai ssigidaumaha dudu, ma ssigidaumaha o denga grain, ma ssigidaumaha o mee unu i denga daonga, go taonga o de duu de maasina i dai, ma denga Sabbath, ma denga daonga alodahi gu hagamodu ange laa gi de gau Israel. Gai ia gi haia mee e hai ai denga sigidaumaha o haisala, ma sigidaumaha o grain, ma sigidaumaha dudu, ma sigidaumaha hagadanuaa magavaa, e tala ai haisala o de gau Israel.

Nehemiah 10:33

ange gi denga pelaoaa o ssigidaumaha, ma sigidaumaha o hua grain, ma denga sigidaumaha dudu i laangi alodahi, ma denga Sabbath, ma denga daonga i de duu de maasina i dai, ma denga daonga gu hagailonga, ma denga goloa dabu, ma sigidaumaha o haisala o de gau Israel, aama hegau alodahi o de hale o demaadeu Maadua.

1 Chronicles 23:31

ma masavaa alodahi e hai ai denga sigidaumaha dudu a Tagi Maolunga i denga Sabbath, ma de masavaa e duu ai de maasina i dai, aama denga laangi daonga gu lava i de hagailonga. Gilaadeu e hai donu gi odi ange taelodo gu hagamodu ange gi gilaadeu ga hano ai, i mada luu mada o Tagi Maolunga.

Matthew 15:11

E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

James 4:11

Denga daina, goodou aude hagadau hagabaubau ina goodou. Tangada e hagabaubau ina dono daina aabe e hagamodu ina muna o dono daina, e hai baasi ange donu gi de hainga aama de hagamodu muna o de hainga. Aagai noo koe e hagamodu muna o de hainga, gai koe e dee daudali i de hainga, aagai se dangada e hagamodu ina muna o de hainga.

Mark 7:19

go hiidinga e dee ulu gi ono lodo, aagai e hulo gi lo te dinae, ga lava ga ssao ga hulo?” (Iesu ne tala muna nei, e hagaago mai ai bolo gai alodahi e gilimalali.)

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Ezekiel 4:14

Gai au ne hai ange, “Dogu Ia Aamua go Iahweh! Tilo, au tigi gai donu hanu mee e hai ai gi hakino gee au. Mai i dogu gauligi ga dae mai ai gi iainei, gai au tigi gai donu hanu manu maakau, aabe ni manu dolodolo ne daia ga maakau i hanu manu alasala. Tigi ai hogi giidagi dee gilimalali ne hhao gi lo togu ngudu.”

Isaiah 1:13

Gu lava oodou sigidaumaha dee haigamaiana e gaamai! Oodou mee maanongi ni mee hakino gee i ogu daha. Doodou hagabuni i de duu de maasina i dai ma denga Sabbath aama oodou hai daumaha — au e dee malangilangi i oodou baubau ma oodou hagabuni.

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Nehemiah 10:31

Gai noo dangada i de henua e gaamai olaadeu goloa aabe denga grain e hagao i de laangi o Sabbath aabe go dahi laangi dabu, gai gimaadeu e dee hagao alaadeu mee. Gimaadeu e dee hagihagi hogi huamanu i honga omaadeu gelegele i denga hidu ngadau alodahi, ma de degi ange gi muli alodahi.

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

2 Kings 4:23

Gai dono bodu ga ssili ange, “Gu aha gu hano ai naa goe anailaa nei? Tigi dae de masavaa e duu ai de maasina i dai aabe go de laangi o Sabbath.” De hine laa ne hai ange, “Mee alodahi e danuaa.”

1 Samuel 20:18

Jonathan ne hai ange hogi gi de ia, “Daiao go de laangi e duu ai de maasina i dai; gai koe e dee maleva naa, go hiidinga doo duulanga e deai se dangada e noho ai.

1 Samuel 20:5

Gai David ga hai ange gi Jonathan, “Tilo, daiao go de laangi e duu ai de maasina i dai, gai au e hai donu gi noho madali de hodooligi i teebele e gaimee ai. Aagai koe dugua mai au gi hano gi mmuni i lodo henua ga dae ai gi de ahiahi o de laangi adu laa.

Leviticus 16:31

De laangi nei se Sabbath e hagammabu ai goodou ma de hagahiikai ai; de mee nei se hainga gu hagasauaa ga hano ai.

Amos 8:5

ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.

Numbers 10:10

Gai goodou e ilihia hogi luu trumpet laa, i laangi oodou daonga ai ga malangilangi — go masavaa o oodou daonga gu hagailonga ma daonga o de duu de maasina i dai, i de masavaa e hai ai oodou sigidaumaha dudu, aama oodou sigidaumaha hagadanuaa magavaa, gi manadua ai e Maadua goodou. Go au go Iahweh doodou Maadua.”

2 Chronicles 31:3

Gai de hodooligi ne gaavange hanu ana mee donu e hai ai sigidaumaha dudu i taiao ma de ahiahi, ma sigidaumaha dudu i de laangi o Sabbath, ma de masavaa e duu ai de maasina i dai, aama denga daonga gu lava i de hagailonga, bei de hai gu sisi ai laa i de hainga a Tagi Maolunga.

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei: