Colossians 2:13 - De Beebaa Dabu

¹³ De masavaa oodou goi maakau ai i de baasi gi de hagasaalunga ma de nnoho i lodo oodou haisala, gai tigi tuu dagaholiage oodou angaanga, gai de Maadua ne hai goodou gi mouli age madali Klisdo, ga degi mai gi odaadeu haisala alodahi,

Colossians 2:13 Referans Kwoze

Ephesians 2:1

Gai goodou ne maakau i hiidinga o denga hegau dee heohi ma denga haisala,

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Ephesians 2:11

Deenei ai, goodou manadua bolo i mua, gai goodou ne haanau ni Gentile, ma de hagabinga bolo ni dangada e dee tuu dagaholiage, i daho de gau Ssuu, e hagaingoo ange laa bolo go dangada gu tuu dagaholiage (se hegau e hai ange gi de angaanga i daho dangada) —

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Luke 15:24

Go hiidinga dagu dama daane nei gu magau, aagai gu mouli age ange hogi. Ia gu dee maleva, gai gu gidee ange hogi.’ Aagai gilaadeu ga daamada de gaimee ma de lodo danuaa.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

James 2:26

De angaanga e deai se hagasaalunga iai e magau, e bei ai hogi, de gai e dee hagahai hegau e magau.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

1 John 2:12

Denga dama, au e sisi adu mee nei gi goodou, i hiidinga de Maadua gu degi adu gi oodou haisala i hiidinga de ingoo o Iesu.

1 Corinthians 15:36

Koe se dangada donu senga! Koe e dee iloo bolo dau golee e doo laa e dee maua donu gi somo noo e dee bobo i mua?

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

Luke 9:60

Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Psalm 119:50

Deenei de mee e hagaaneane ina ogu lodo i dogu duasala: au muna e daohi dogu mouli.

Hebrews 6:1

Deenei ai, gidaadeu ga dugu agoago o Klisdo i taamada, ga hai gidaadeu gi ni dangada gu maatua abodonu, gidaadeu gi dee aahe ange gi hagadagodo ina tagelo, go de dahuli o de lodo mai i adaadeu hegau e deai laa ono haigamaiana, ma de gai ange de Maadua,

1 Timothy 5:6

Aagai de hine gu magau dono bodu gai e hagamalangilangi donu huu ia gu magau donu, e dee galemu donu ia goi mouli huu.

Romans 4:17

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

James 2:20

Koe se dangada donu senga, koe e lodo gi hagaagona adu bolo de gai e deai laa ono hegau e deai donu ono haigamaiana?

James 2:17

Gai e bei ai hogi, de gai e duu sogosogo laa, e magau donu, noo e dee hagaago mai i denga hegau.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Psalm 32:1

E manuuia tangada a de Maadua gu degi ange gi ono haisala, gai ono haisala gu haoli.

Colossians 2:12

Gai de masavaa oodou ne babudaisi ai gai e bei goodou gu maakau ma de danu madali Klisdo, aagai gu mouli age ange hogi i doodou kai ange gi ssauaa o de Maadua, go de ia ne hagamouli ina age Klisdo i de magau.