Colossians 1:9 - De Beebaa Dabu

⁹ Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

Colossians 1:9 Referans Kwoze

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

Colossians 4:5

Goodou gi heiangi i doodou hai e ngalungaalue ange ai gi de gau tua de mee; gai gi dee moumou ina oodou masavaa gai gi hai hegau ai.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

1 Peter 2:15

Gai de Maadua e lodo goodou gi haia tanuaa, gai goodou ga hai ai gi dee maua e gilaadeu e llodo ssenga i de tala hanu ngadi muna.

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

1 Thessalonians 5:17

gai gi dee helui doodou dalodalo,

Psalm 143:10

Agoagona mai au i de hai oo lodo, i hiidinga go koe dogu Maadua; doo Hagasaalunga danuaa gi dagina adu au i de mommee soe.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Philippians 1:4

Masavaa alodahi oogu e dalodalo ai i goodou, gai au e dalodalo ma de malangilangi,

Philemon 1:4

Au e hagaahe ange de abodonu gi dogu Maadua i masavaa alodahi oogu e dalodalo ai i de goe,

Ephesians 6:6

Gai gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai hai hegau gi bei dagodo o de gau hai hegau o Klisdo, e haia lodo o de Maadua i de lodo se muna abodonu.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

1 John 2:17

Henua i lalo ma ono lodo alodahi e llilo donu, aagai tangada e haia lodo o de Maadua e mouli ga hano ai.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Ephesians 5:17

Deenei ai, goodou gi dee llodo ssenga, aagai gi tonu ange gi lodo o Tagi Maolunga.

Ephesians 5:10

gai haia gi iloo e goodou be aahee mee e hagamalangilangi ina Tagi Maolunga.

Ephesians 1:8

gu hagadohu mai laa hogi gi gidaadeu i de heiangi alodahi ma de iloo mee.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Psalm 119:99

Au e heiangi ange i ogu dangada agoago alodahi, go hiidinga au e hagamaumau au muna.

1 Corinthians 1:5

Go hiidinga goodou gu ni dangada e lava i mee alodahi i lodo o Klisdo, i oodou 2co 5 20 muna alodahi ma de iloo mee alodahi.

Acts 12:5

Deelaa ai, Peter gu hhao gi lo te hale pono, gai de nohoanga dabu ne hagammahi ga dalodalo ange gi de Maadua i ono hiidinga.

Philemon 1:6

Gai au e dalodalo bolo dau hagahai hegau doo gai, gi haia gi hagadagadaga age taadeu iloo mee danuaa alodahi adaadeu e hanu i lodo o Klisdo.