Colossians 1:5 - De Beebaa Dabu

⁵ i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Colossians 1:5 Referans Kwoze

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

1 Peter 2:2

Goodou gi bei dagodo o denga gaagaa, e llodo laa i vai uu o de baasi gi de hagasaalunga e dee hilo laa i hanu mee gee, gi maatua abodonu ai goodou ma de hagamouli,

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

1 Corinthians 15:19

Noo go de mouli nei donu huu e dahi ai adaadeu tali hagalodolodo i daho Klisdo, gai go gidaadeu hugadoo e hagaaloha odaadeu dagodo.

Hebrews 7:19

(de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

Galatians 5:5

Gai gidaadeu e hagaduu ngae i de tali hagalodolodo ange gi taadeu hagaheohi i de Hagasaalunga ⌊Dabu⌋ i de gai.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Acts 23:6

Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

1 Corinthians 13:13

Mee e dolu nei e dee ngado mai donu: go de gai, ma de tali hagalodolodo, aama de aloha, gai de mee e maolunga hugadoo go de aloha.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

Psalm 31:19

Ga dae laa de laumalie doo abodonu, gu hagadabena ange gi gilaadeu e maatagu i de goe, ma de abodonu ange gi gilaadeu e haia goe go delaadeu buibui i madamada o dangada!

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Romans 10:8

Aagai aahee muna gu tala laa? “De muna e baa adu donu gi goodou, gai gu dagodo donu i lodo oodou ngudu aama oodou lodo,” go muna e tala ai dagodo o de gai amaadeu e agoago ai laa.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

2 Corinthians 6:7

ma de tala de muna abodonu, ma ssauaa o de Maadua, ma denga goloa hebagi o de heohi i de lima madau ma de lima masui;

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

Ephesians 4:21

Goodou gu langona ono dagodo ma de agoago i de mee abodonu i lodo o Iesu.

2 Peter 1:12

Deenei ai, au e lodo e hagamaanadu adu mee nei i masavaa alodahi, e dee galemu donu gu lava donu i doodou iloo, gai gu tuu ma gu makaga i de muna abodonu oodou gu kave naa.