Colossians 1:4 - De Beebaa Dabu

⁴ go hiidinga gimaadeu gu langona dagodo o doodou kai ange gi Klisdo Iesu, aama doodou aaloha i dangada alodahi o de Maadua,

Colossians 1:4 Referans Kwoze

Ephesians 1:15

Deenei ai, de masavaa huu aagu ne langona ai dagodo o doodou kai ange gi Tagi Maolunga go Iesu, ma doodou aaloha i dangada alodahi o de Maadua,

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

1 John 4:16

Gai gidaadeu gu iloo ma de hagadonusia de aloha o de Maadua i gidaadeu. De Maadua go de aloha, gai tangada e mouli i de aloha e noho i lodo o de Maadua, gai de Maadua e noho i ono lodo.

Philemon 1:5

go hiidinga au gu langona dagodo o doo gai ange gi Tagi Maolunga go Iesu, aama doo aloha ange gi dangada alodahi o de Maadua.

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 Thessalonians 3:6

Iainei gai Timothy gu ahe mai donu ma gu dae mai gi omaadeu daha, gai ia gu tala mai dagodo o oodou kai aama oodou aaloha. Ia gu tala mai hogi bolo goodou goi manadua mai huu gimaadeu, ma de llodo mmao e tilo gimaadeu, bei demaadeu hai e llodo ai nei hogi e tilo goodou.

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

2 Corinthians 7:7

gai e dee go hiidinga donu huu dono dae adu, aagai go hiidinga hogi doodou hagamaamaane ono lodo. Ia gu tala mai dagodo o doodou llodo au gi dae adu gi oodou daha, ma de daemaha oodou lodo, aama doodou llodo gaiaa i ogu hiidinga, deenei ai, au gu kii ange donu dogu malangilangi.

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.