Colossians 1:25 - De Beebaa Dabu

²⁵ Gai au ne hai go tangada hai hegau niio de nohoanga dabu, bei dagodo de hagadabu gu gaamai laa gi de au i daho de Maadua, gai au ga hai ai goodou gi iloo danuaa muna a de Maadua;

Colossians 1:25 Referans Kwoze

Ephesians 3:2

goodou gu langona dagodo tuuhanga hegau a de Maadua gu gaamai gi de au i dono abodonu i oodou hiidinga,

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

1 Timothy 4:6

Noo koe e tala ange mee nei gi denga daina, gai koe gu se dangada hai hegau danuaa niio Klisdo Iesu, koe gu agoago abodonu i muna o de gai, ma agoago danuaa oou e daudali ai naa.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

1 Corinthians 3:5

Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga.

Ephesians 3:7

Gai dagodo o dogu hai ga se dangada hai hegau ange gi de longo danuaa, se mee ngadi gaamai gi de au i daho de Maadua i dono sauaa.