Colossians 1:23 - De Beebaa Dabu

²³ noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:23 Referans Kwoze

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

Hebrews 10:38

aagai dogu dangada heohi e mouli donu i de gai. Gai noo ia e ahe dua, gai au e dee malangilangi i de ia.”

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Ephesians 3:17

gi noho ai Klisdo i oodou lodo i de gai, gai goodou gu hagamakaga ma de dagelo i de aloha,

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,

1 Thessalonians 3:5

Deenei ai, ga dee maua huu e au i de golomagi ogu lodo, gai au ga hai Timothy gi hanadu gi oodou daha, gi iloo ai e au dagodo o oodou kai. Au ne manavasaa i dagu maanadu bolo de ia hagatale gu hagatale goodou, gai amaadeu hegau gu deai donu haigamaiana.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

Acts 2:5

Laangi laa gai gu nnoho i Jerusalem de gau Ssuu mai i denga huaahenua alodahi, go gilaadeu e daohia hainga a Moses.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Colossians 1:25

Gai au ne hai go tangada hai hegau niio de nohoanga dabu, bei dagodo de hagadabu gu gaamai laa gi de au i daho de Maadua, gai au ga hai ai goodou gi iloo danuaa muna a de Maadua;

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Hebrews 4:14

Go hiidinga e dahi odaadeu dangada haimeedabu maolunga gu hano gi de langi, go Iesu, Tama Daane a de Maadua, deenei ai, gidaadeu ga hagammahi e daohi de gai adaadeu e tala hagadonu laa.

Colossians 2:7

gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.

Galatians 5:7

Goodou nogo saavini danuaa donu; gai goai ne daohia goodou gi dee daudali i de muna abodonu?

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Deuteronomy 2:25

Ailaa nei gai au e hai naa gi bolebole ma de maatagu denga huaahenua alodahi i lalo de langi i goodou. Gilaadeu e bolebole naa ma de manavasaa olaadeu lodo i oodou hiidinga i delaadeu langona oodou longo.”

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

Titus 3:7

gi dau ai gidaadeu i de boolonga, ma de dahi adaadeu tali hagalodolodo ange gi de mouli e dee ngado mai, i hiidinga gidaadeu gu hagaheohi i de abodonu o de Maadua.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

1 Timothy 1:12

Au e hagaahe ange de abodonu gi Klisdo Iesu taadeu Dagi Maolunga, go de ia ne hagammahi ina ogu lodo, ia ne hagabinga bolo au se daane e hai hegau i de mee abodonu, ga hili au gi haia ana hegau.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

1 Thessalonians 5:8

Aagai go hiidinga gidaadeu ni dangada niio de laangi, gidaadeu ga dagitilo, ga hagauda de gai ma de aloha bei de mee dau i hadahada, aama de goobai go de tali hagalodolodo ange gi de hagamouli.

1 Thessalonians 3:3

gi deai ai se goodou e baageaa i hiidinga o denga vaivai haia nei. Gai goodou e iloo bolo denga vaivai haia nei ni mee donu gu hagamodu e hai mai gi gidaadeu.

Ephesians 4:16

Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

Ephesians 2:21

go ia e daohia gi duu de hale alodahi ma de hai gi se temple dabu niio Tagi Maolunga.

Galatians 5:5

Gai gidaadeu e hagaduu ngae i de tali hagalodolodo ange gi taadeu hagaheohi i de Hagasaalunga ⌊Dabu⌋ i de gai.

Galatians 4:11

Au gu manavasaa kana ni ngadi hegau aagu ne hai.

2 Corinthians 11:23

Noo gilaadeu ni dangada hai hegau niio Klisdo, gai au e danuaa ange donu i gilaadeu — au e basa adu bei dagodo o dahi dangada senga. Agu hegau e maolunga ange, gai ne lagolago ange ogu hanonga ne tili ange ai gi lo te hale pono, gai e dee maua i de dau ogu hanonga ne hagailiilihia ai, ne dee modu dogu duu ange gi de magau.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

1 Corinthians 3:5

Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Acts 26:16

Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Acts 1:25

gai ia ga kave ai tuulanga hegau a de gau tala, go tuulanga a Judas ne dugu laa, gai ga hano gi dono mommee donu.”

Acts 1:17

Ia se daane madali gimaadeu, gai ne kave tuuhanga hegau nei madali gimaadeu.”

Luke 6:48

ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga.

Ezekiel 18:26

De masavaa naa huu o tangada e heohi laa e huli gee ai ga hai de mee dee heohi, gai ia e magau donu, i hiidinga dana baubau gu hai laa.

Lamentations 3:66

Dolohia gilaadeu ga daa gi maakau i doo lili, gi dee mouli ai gilaadeu i lalo de langi a Tagi Maolunga.

Psalm 125:5

Aagai gilaadeu e haia hegau dee heohi, Tagi Maolunga e alualu naa gilaadeu gi hulo madali dangada e haia de baubau. De baba gi dagodo i Israel!

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.