Colossians 1:16 - De Beebaa Dabu

¹⁶ Gai go ia hogi ne haia mee alodahi i lo te langi ma honga henua i lalo, mee e gidee ma mee e dee gidee; bei denga nohoanga hodooligi, ma gilaadeu e mmahi, ma gilaadeu e dagi, ma gilaadeu iai ssauaa e dagi ai; mee alodahi go ia ne haia gai ne hai ange donu gi de ia.

Colossians 1:16 Referans Kwoze

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

John 1:3

Mee alodahi go ia ne haia; gai teai donu se mee daudahi e dee go ia ne haia.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

Hebrews 2:10

Gai e heohi donu de hai a de Maadua, de ia ne haia ma de daohia mee alodahi gu hanu, i dana gaamai gi de mahamaha hanu dama soa, de ia ne damadaa delaadeu hagamouli gi honu abodonu ono dagodo i dono hagaduasala.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Isaiah 44:24

E hagadaba Tagi Maolunga, doo Ia Hagaola, ne haia goe i de mommee o denga dama: “Go au donu Tagi Maolunga, ne haia laa mee alodahi, go au ne hoolaa de langi, go au donu huu ne doohaa henua i lalo.

Proverbs 16:4

Tagi Maolunga e hagahai hegau mee alodahi gi bei dana hagatau; ia e hagadabena ange donu hogi tangada baubau gi de laangi o de hagaduasala.

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

Colossians 2:10

Gai goodou gu hhao ma gu hoohonu i de mouli i lodo o Klisdo, go de biho o dagi alodahi ma gilaadeu iai ssauaa e dagi ai.

Isaiah 43:21

go dangada aagu ne hai e hai ai ogu dangada, gai gilaadeu ga tala ai dogu tuhi.

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.

Philippians 2:10

gai alodahi e duuduli naa ga hagadubu de ingoo o Iesu, i de langi ma henua i lalo, aama lalo de gelegele,

Colossians 1:20

gai de Maadua ne malangilangi i de hagadanuaa olaadeu magavaa ma mee alodahi e dee hilihili be go mee i henua i lalo aabe go mee i de langi, ga hai ai gi maua de nnoho paba i dodo o Klisdo i honga de laagau lui.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Colossians 2:15

Ia ne kave gee ssauaa o denga dagi ma gilaadeu iai ssauaa e dagi ai, ga hagangadi mee gilaadeu i madamada o dangada, ma de hagadee kii gilaadeu i de laagau lui.

Ephesians 6:12

Go hiidinga gidaadeu e dee hebagi ange gi dangada, aagai e hebagi ange gi denga hagasaalunga ni dagi laa, ma hagasaalunga iai ssauaa, ma denga hagasaalunga mmahi e dagina laa henua i lalo gohu nei, aama hagasaalunga baubau i lo te langi i lunga.

Romans 8:38

Gai au e iloo abodonu bolo e dee maua donu e de magau be go de mouli, be go de gau de langi, be go de masavaa iainei, be go de masavaa e humai, be go dahi sauaa daudahi,

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

John 1:10

Ia ne humai gi henua i lalo, gai go ia donu ne hai henua i lalo alodahi; gai henua i lalo tee iloo e gilaadeu ia.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.