Colossians 1:15 - De Beebaa Dabu

¹⁵ Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

Colossians 1:15 Referans Kwoze

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 1:1

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Philippians 2:6

ia go de Maadua donu, gai ia tee maanadu donu bolo dono bei dagodo de Maadua se mee e daohi,

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Hebrews 1:6

Gai de masavaa a de Maadua ne gaamai ai dana Dama Madua gi henua i lalo, gai ia ne hagadaba, “De gau de langi alodahi o de Maadua gi daumaha ange gi de ia.”

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

John 15:24

Noo au tee hai denga hegau hagalele mouli i olaadeu magavaa, tigi ai ange laa dangada ne haia, gai gilaadeu tee hagabaubau ina i delaadeu haisala. Aagai gilaadeu gu gidee donu agu hegau, gai goi kino huu i gimaau ma dogu Damana.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Hebrews 11:27

Gai dono gai ne hai ga maua e ia i de hano gee mai i Egypt, ia tee madagu donu i de lili o de hodooligi; ia ne lodo mmahi i de golomagi ono lodo, go hiidinga ia gu gidee de ia e dee gidee laa.

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

Exodus 24:10

gai gilaadeu ne gidee de Maadua o Israel: de mommee i lalo luoono vae e bei dagodo o de mommee e hai i sapphire, gai e masalaba bei dagodo o lo te langi i lunga.