Amos 9:13 - De Beebaa Dabu

¹³ Tilo, e tae mai naa denga laangi, go Tagi Maolunga e hagadaba, a tangada hagabalabala e daea adu ai tangada hagihagi, gai tangada e dagadagahia denga grape e daea adu ai de masavaa e doo ai. Honga mounga e ssali ai naa denga uvaini hoou, gai e malingilingi mai naa hogi i honga duuduu alodahi.

Amos 9:13 Referans Kwoze

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

John 4:35

E aha, goodou e dee hagataba laa, ‘E haa ange malama gai ga dae mai de masavaa o de hagihagi’? Au e hai adu gi goodou, goodou kalo ange diiloo denga veelenga gu lleu donu, gai gu dae donu de masavaa e hagihagi ai.

Isaiah 55:13

Gai gu dee ni manu daladala e ssomo ai, gai gu ni pine; gu dee ni manu dabeo e ssomo ai, gai gu ni myrtle. De mee nei se mee e hagamaanadu ai de ingoo o Tagi Maolunga, gai se hagailonga e dee ngado mai, gai e dee haihai naa donu ga lilo.

Leviticus 26:5

Gai goodou e hili naa oodou hua grain ga dae ai gi de masavaa e hagihagi ai denga grape, gai de hagihagi o denga grape e daea adu naa de masavaa e aahe ange ai e doo; gai goodou e gaimee naa ga boobosu i oodou gai, ma de nnoho paba i honga doodou henua.

Ezekiel 36:35

Gai gilaadeu e hagataba naa, “De henua nei nogo ngadi dagodo gai iainei gu bei de veelenga o Eden; denga aduhale nogo maoha laa ma e ngadi daakodo, gu aahe ange ma gu buibui ma e nnoho ai dangada.”

Joel 3:20

Judah e nnoho ai naa dangada ga hano ai, gai Jerusalem e noholia naa i atangada alodahi.

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.

Judges 5:5

Denga mounga gu ngalungaalue i mada luu mada o Tagi Maolunga, Sinai gu ngalungalue hogi i mada luu mada o Tagi Maolunga, de Maadua o Israel.

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Genesis 49:11

E nnoa ange naa dana donkey gi dahi grapevine, gai dana donkey gauligi gi de laa manu danuaa mmao, gai ia e taa naa ono malo i denga uvaini, gai ono malo i vai o denga grape.

Isaiah 16:10

Gu deai se malangilangi be se lodo danuaa i lodo veelenga iai hua lagolago; gu deai dangada e daahili aabe hevaalogi i lodo veelengaa grape; gai gu deai dangada e dagadagahia grape e hai ai uvaini go hiidinga au gu hai gi tuu de hevaalogi ⌊i de malangilangi⌋.

Ezekiel 28:26

Gai gilaadeu e nnoho paba naa i kilaa, ga hagatuu olaadeu hale, ma de hai alaadeu veelengaa grape. Gilaadeu e nnoho paba naa, gai au e hagaduasala naa dangada alodahi e paa ange gi gilaadeu, go dangada ne hagangadi mee ina laa gilaadeu. Gai gi iloo ai e gilaadeu bolo go au donu go Iahweh delaadeu Maadua.”

Joel 2:24

Denga mommee hili huamanu e hoohonu naa i denga grain; gai mommee kumi uvaini ma lolo e hoohonu naa ga malingilingi.