Amos 8:14 - De Beebaa Dabu

¹⁴ Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”

Amos 8:14 Referans Kwoze

Amos 5:5

goodou gi dee ssala au i Bethel, gai gi dee hulo gi Gilgal, aabe gi seesee gi hulo gi Beersheba. Go hiidinga de gau Gilgal e gaavee gee naa gi dahi henua gee, gai Bethel e hai naa ga se ngadi mommee.”

Deuteronomy 9:21

Gai au ne kave de kaau goolo oodou ne haisala ai laa ga dudu i de ahi, gai au ga mmili gu ni lehu ga maga ange gi lo te saalingaa vai e hano iho laa i de mounga.

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.

Acts 24:14

Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi,

Acts 19:23

De masavaa laa gai ne hellumi dangada i hiidinga o de Haiava.

Acts 19:9

Aagai hanu ne hagamakaga olaadeu lodo; gilaadeu tee llodo e hagadonu, gai ne hagabaubau dagodo o de Haiava i madamada o dangada. Gai a Paul ne hano gee i olaadeu daha, ga kave denga dangada agoago madali ia, gai laangi alodahi gilaadeu ne hagabuni ga madaangudu i de mommee hagabuni o Tyrannus.

Acts 18:25

Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Amos 5:2

“Israel e bei de bua moe gu magau laa, gai e dee ahe ange naa donu e mouli age; gai gu dilia i honga dono henua donu, gu deai e hagahidi age ia.”

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Jeremiah 25:27

“Gai koe hai ange gi gilaadeu, ‘E hagadaba Tagi o denga hagabuulinga hebagi, de Maadua o Israel: Goodou unumia, gi ssenga ai goodou ma de hagalueia, gai gi baakuu ai goodou gi dee aahe ange gi hiihidi age, i hiidinga o de gadilaasa aagu e hai gi humai gi oodou magavaa.’

Isaiah 43:17

gai go de ia ne dagina mai denga hada hebagi ma hoosa, ma denga hagabuulinga hebagi soa ma denga daane dau o de hebagi; gilaadeu ne daakodo i kilaa, gu dee hiihidi age ange; gilaadeu gu maamade bei de wick gu diinei laa:

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Psalm 140:10

Haia gi malili iho denga maga ahi gi gilaadeu; gai dilia ange gi lo te ahi, ma lodo geelonga iai bela pigi, gilaadeu gu dee maua i de hiihidi age ange.

Psalm 36:12

Diiloo gilaadeu e haia de baubau gu baakuu ma gu daakodo ai — gilaadeu gu baakuu ma gu dee maua i de hiihidi age ange!

2 Chronicles 36:16

Aagai dangada ne hagadookaa dangada e daalaa muna a de Maadua, ma de hagangadi mee ana muna, ga hakadanga i ono pelaabisi, ga dae ai gi de dae mai de lili o Tagi Maolunga gi ono dangada, gai gu dee maua i de hagaieiangi gilaadeu.

2 Kings 10:29

Aagai ia ne duudagi donu huu de haisala bei dagodo o Jeroboam, tama daane a Nebat, go mee aana ne hagahaisala ai de gau Israel, i delaadeu daumaha ange gi denga kaau goolo i Bethel aama Dan.

1 Kings 16:24

Ia ne hagao hogi tuuduu go Samaria mai i daho Shemer i e lua talent selevaa, ga hagaduu ai dahi aduhale i honga tuuduu laa. Gai ia ga hagaingoo ange go Samaria, go de ingoo o Shemer, taane niiona tuuduu laa i mua.

1 Kings 14:16

Ia e tili naa Israel i hiidinga haisala o Jeroboam, ma dana hai de gau Israel ga haisala.”

1 Kings 12:32

Gai Jeroboam ne hagasauaa de hai dahi daonga i de madaangahulu ma lima laangi o de valu malama, bei taonga e hai laa i Judah, gai ia ne hai denga sigidaumaha i honga de mommee o ssigidaumaha. Ia ne hai mee nei i Bethel, ia ne sigidaumaha ange gi luu kaau aana gu hagatuu laa. Ia ne hili hanu dangada haimeedabu gi hai hegau i denga mommee daumaha aana gu hagatuu laa.

Deuteronomy 33:11

Tagi Maolunga, hagamanuuia ina olaadeu goloa, gai malangilangi i alaadeu hegau e hai; hagadee kii ina olaadeu hagadaumee ma dangada e kino i gilaadeu, ga dae ai gi delaadeu dee aahe ange e hiihidi age.”

Isaiah 24:20

Henua i lalo gu bei tangada senga, gai gu singasinga saele i de madangi bei de baasi hale; gai gu kona taemaha i ono baubau ma dono hagamanege, gai gu baguu — gu dee maua donu gi duu age ange.

Micah 1:5

Mee nei gu hai i hiidinga haisala o Jacob, ma hiidinga baubau o de gau Israel. Dee hee de haisala o Jacob? E dee go Samaria? Gai dee hee de mommee daumaha o Judah? E dee go Jerusalem?

Proverbs 24:16

gai ga baguu naa donu tangada heohi i e hidu hanonga, gai ia e hidi age ange naa, aagai de gau baubau e maakau naa i de masavaa hai ngadaa.

Amos 5:1

De gau Israel, hagalaangona muna o dagu daahili o de magau e tala ai oodou dagodo: