Amos 7:17 - De Beebaa Dabu

¹⁷ Deenei ai, e hagadaba Tagi Maolunga: ‘Doo bodu e hai naa ga se hine hai be se manu i lo te aduhale, gai au dama alodahi e daa naa ga maakau i de gadilaasa. Doo henua e haide naa i de uga haide ga vaevae, gai koe e magau naa i de henua o de gau henua gee, Gai Israel e gaavee naa donu gi dahi henua gee, ma de hano gee mai i dono henua donu.’ ”

Amos 7:17 Referans Kwoze

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

2 Kings 17:6

Gai ssiva ngadau huu o Hoshea, gai de hodooligi o Assyria ga hagadee kii Samaria, ga kave de gau Israel gi Assyria, ga dugu gilaadeu i Halah ma Gozan i gaogao ssaalingaa vai go Habor, aama lodo aduhale o de gau Media.

Ezekiel 4:13

Gai Tagi Maolunga ne hai mai, “Deenei de hai a de gau Israel, e gai ai denga gai dee gilimalali, i de masavaa olaadeu e nnoho ai i magavaa o denga huaahenua, i denga mommee aagu e hai gilaadeu gi hulo aagena.”

Jeremiah 28:16

Deenei ai, e hagadaba Tagi Maolunga: Tilo, au gu dai kave gee naa goe i henua i lalo. De ngadau nei gai koe e magau naa donu, go hiidinga koe gu agoago ange dangada gi hai baasi ange gi Tagi Maolunga.”

Amos 7:11

Gai aanei muna a Amos e tala, ‘Jeroboam e daa naa ga magau i de gadilaasa, gai de gau Israel e gaavee gee donu i delaadeu henua ga kave gi hanu henua gee.’ ”

Jeremiah 29:21

E hagadaba Tagi o denga hagabuulinga hebagi, de Maadua o Israel i dagodo o Ahab, tama daane a Kolaiah, ma Zedekiah tama daane a Maaseiah, go luu daane ne hadu muna adu gi goodou i delaau pasa pelaabisi i dogu ingoo: Tilo, au e dugu ange naa gilaau gi Nebuchadnezzar, de hodooligi o Babylon, gai ia e daa naa gilaau gi maakau i oodou mada i mua.

Zechariah 14:2

Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Lamentations 5:11

Denga haahine o Zion gu haia gi de mahi, aama denga bua mmoe i aduhale o Judah.

Jeremiah 29:25

“E hagadaba Tagi o denga hagabuulinga hebagi, de Maadua o Israel: Koe ne sisi hanu leda i doo ingoo ga kave gi dangada alodahi i Jerusalem, ma Zephaniah tama a Maaseiah tangada haimeedabu aama de gau haimeedabu alodahi ange laa, ga hai ange,

Jeremiah 28:12

Gai dua de aau a de pelaabisi go Hananiah de laagau hagahai hegau i honga luu eu o de pelaabisi go Jeremiah ga hhadi, gai Tagi Maolunga ne hagaago ange ana muna gi Jeremiah, ga hai ange,

Jeremiah 20:6

Gai koe, Pashhur, ma dangada alodahi i doo hale, e gaavee naa gi dahi henua gee. Koe e hano naa gi Babylon, gai goodou alodahi e maakau naa ga danu i kilaa, go goodou ma oo soa oou ne basa pelaabisi ange gi gilaadeu i de hadu muna.’ ”

Isaiah 13:16

Alaadeu gaagaa e dagadagahia naa ga maakau i olaadeu mada i mua; gai goloa i lodo olaadeu hale e gaavee naa, gai alaadeu haahine dau bodu e haia naa gi de mahi.

Psalm 78:55

Ia ne hai gi hulo gee denga huaahenua i olaadeu daha; ia ne vaevae ange delaadeu henua gi ono dangada gai ga hagannoho denga aamuli o Israel i lodo olaadeu hale malo.

Jeremiah 14:16

Gai angaanga o denga pelaabisi naa e daakodo saele naa, i honga denga haiava o Jerusalem, i hiidinga o de onge ma de gadilaasa. E deai naa donu se dangada e danumia gilaadeu, ma olaadeu bodu aama alaadeu dama. Gai au e hagaduasala naa gilaadeu gi bei dagodo o alaadeu baubau.

Amos 6:7

Deenei ai, go goodou naa hugadoo e gaavee gi denga henua gee; gai oodou daonga e daakodo ai laa ga gaimee e tuu naa.

Amos 8:1

Gai deenei de mee a de Ia Aamua go Iahweh ne hagaago mai gi de au: tilo, au ne gidee dahi gede iai hanu huamanu lleu.

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.

Amos 9:8

Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.

Micah 1:16

Dangada o Judah, dahia gi malali oodou biho i doodou hinangalosaa i oodou dama e malangilangi ai. Haia gi malali oodou biho bei de igele gu deai laa ono hulu manu, go hiidinga gilaadeu e hulo gee naa i oodou daha ga hulo gi dahi henua gee.

Isaiah 22:18

Ia e kumi naa goe ga hagamoe be se buu ga maga gi dahi henua laumalie. Gai koe e magau naa i kilaa, gai oo hada hebagi mahamaha e kave naa hogi gi kilaa — koe gu hagadogaa de hale o doo dangada aamua.