Amos 6:11 - De Beebaa Dabu

¹¹ Gai tilo, Tagi Maolunga gu tala hagasoe, gai ia e oha donu de hale laumalie laa gi too dagidahi, gai de hale damaa mee e ssii dagaligiligi.

Amos 6:11 Referans Kwoze

Amos 3:15

Au e oha iho naa denga hale ange gi de masavaa hagamagalili madali denga hale ange gi de masavaa mahanahana; gai denga hale e hagalaagii i ivory e oha naa, gai denga hale danuaa e odi naa hogi i de maoha,” go Tagi Maolunga e hagadaba.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.

Luke 19:44

ma de oha de aduhale ga daa gu maakau dangada iai. Gilaadeu e dee dugu naa donu dahi hadu gi dagodo i honga dahi hadu, go hiidinga koe tee iloo de masavaa a de Maadua ne humai ai e bale adu goe.”

Zechariah 14:2

Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Nahum 1:14

Nineveh, Tagi Maolunga gu tala oo dagodo: “E deai naa donu soo hagadiilinga e duudagi ina doo ingoo. Au e oha naa donu denga diinonga laagau ma diinonga baalanga i de hale iai oo diinonga. Au e hagadabena naa doo daanunga, i hiidinga koe e hakino gee.”

Amos 9:9

Gai tilo, au e tala hagasoe de muna, ga nonu ange naa dangada o Israel gi daho denga huaahenua, bei de hai e nonu ai laa denga grain, gai e deai naa donu se damaa hadu daudahi e doo gi honga de gelegele.

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Isaiah 13:3

Au gu tala ange gi ogu dangada dabu; au gu hagahi ogu daane hebagi gilaadeu gi hagasula ina dogu bole — go gilaadeu e malangilangi i dogu kii.

Ecclesiastes 10:18

Noo tangada e vaiduu, gai laagau o de hale gu pobo, gai noo tangada e ngadi noho, gai de hale gu vava.

Psalm 105:34

Ia ne tala de muna, gai gu loomai denga itebuubuu, ni itebuubuu lagolago e dee maua i de dau;

Psalm 105:31

Ia ne tala de muna, gai gu loomai denga lango lagolago, ma manu vaaligiligi hakadigadi gi honga delaadeu henua.

Psalm 105:16

Ia ne hai gi humai de onge gi honga de henua, gai ne hai gi deai alaadeu gai;

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Malachi 1:4

Gai ga hagataba naa donu de gau Edom, “Demaadeu henua gu oohaa, gai gimaadeu e hagaduu age ange naa,” aagai e hagadaba Tagi o denga hagabuulinga hebagi: “Gilaadeu e hagaduu age naa, aagai au e oha iho naa donu. Gai gilaadeu e hagaingoo ange naa go de Henua Baubau, gai se huaadangada e nnoho i lalo de bole o Tagi Maolunga ga hano ai.