Amos 5:5 - De Beebaa Dabu

⁵ goodou gi dee ssala au i Bethel, gai gi dee hulo gi Gilgal, aabe gi seesee gi hulo gi Beersheba. Go hiidinga de gau Gilgal e gaavee gee naa gi dahi henua gee, gai Bethel e hai naa ga se ngadi mommee.”

Amos 5:5 Referans Kwoze

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Amos 8:14

Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”

Amos 4:4

Goodou hulo gi Bethel ma gi haisala ai; gai hulo gi Gilgal ga duudagi ai doodou haisala. Gaamai oodou sigidaumaha i daiao alodahi, ma oodou sigidaumaha o tahi diba i diba e madaangahulu e gaamai laa i denga dolu ngadau alodahi.

Genesis 21:33

Gai Abraham ga doo dahi tamarisk i Beersheba, gai ia ga dalodalo ange gi Tagi Maolunga, de Maadua e mouli laa ga hano ai.

Revelation 18:17

Go hiidinga ne dahi donu huu aoaa ne oha ai de lava o de aduhale laa ga deai!” Gai giabini alodahi, ma dangada e dele i de moana, ma de gau hai moni, aama dangada alodahi e hagao mee i honga de moana e hulo naa ga tuu i de mommee mmao,

1 Corinthians 2:6

Gai gimaadeu ne agoago i muna o de heiangi i magavaa o dangada gu maatua abodonu, aagai e dee go de heiangi o de masavaa go iainei, aabe go de heiangi o denga dagi i de masavaa nei, go gilaadeu gu dai llilo.

1 Corinthians 1:28

De Maadua ne hili de gau maolalo ma gilaadeu e hagangadi mee ina i henua i lalo, ma mee gu dee dau, e hai ai gi deai haigamaiana mee e dau iainei,

Amos 7:17

Deenei ai, e hagadaba Tagi Maolunga: ‘Doo bodu e hai naa ga se hine hai be se manu i lo te aduhale, gai au dama alodahi e daa naa ga maakau i de gadilaasa. Doo henua e haide naa i de uga haide ga vaevae, gai koe e magau naa i de henua o de gau henua gee, Gai Israel e gaavee naa donu gi dahi henua gee, ma de hano gee mai i dono henua donu.’ ”

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Hosea 10:8

Denga mommee daumaha o Aven e oha naa, go de mommee o Israel ne haisala ai. Manu daladala ma manu duiduia e ssomo age naa i honga olaadeu mommee o ssigidaumaha. Gai gilaadeu e hai ange naa gi denga mounga, “Haolia gimaadeu!” gai e hai ange naa gi denga duuduu, “Baakuu mai haolia gimaadeu!”

Hosea 9:15

Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Isaiah 29:20

Tangada e vaivai haia dangada e lilo naa donu, gai de gau doo mee e dee maaleva naa hogi, gai dangada alodahi e maanadu de hai de baubau e daa naa gi maakau —

Isaiah 8:10

Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

Psalm 33:10

Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

De Beebaa go Job 8:22

Gai dangada e kino i de goe e hai naa ga dookaa, gai de hale o tangada baubau e dee gidee naa.”

1 Samuel 11:14

Gai Samuel ga hai ange gi dangada, “Loomai, gidaadeu ga hulo gi Gilgal e hagasula ai de hodooligi.”

1 Samuel 7:16

Ngadau alodahi gai ia e hagadaga i Bethel, ma Gilgal, aama Mizpah, ga hagamodu ai muna o de gau Israel i mommee laa alodahi.

Deuteronomy 28:41

Koe e hagadili naa denga dama daane ma damaa hine, aagai gilaadeu e dee nnoho naa donu i oo daha, go hiidinga gilaadeu e noonoodia naa ga gaavee gi dahi henua gee.

Genesis 21:31

Deelaa ai, de mommee laa gu hagaingoo ange go Beersheba, go hiidinga gilaau ne hai ai dahi hagatoo donu i kilaa.

1 Samuel 8:2

De ingoo o dana dama madua go Joel, gai de ingoo o togolua go Abijah; gai gilaau e hagamodu muna i Beersheba.

1 Kings 12:28

Gai Jeroboam ne madaangudu ange gi ono daane bale, gai ia ga hai e lua kaau goolo. Gai ia ga hai ange gi dangada, “Gu lava oodou hulo gi Jerusalem e daumaha ai. De gau Israel, goodou kalo ange diiloo, aanei diinonga ne hagassao ina mai goodou i de henua go Egypt.”

1 Kings 12:29

Gai ia ne kave dahi kaau laa ga hagaduu i Bethel, gai dahi ne kave ga hagaduu i Dan.

Amos 3:14

De laangi aagu au e hagaduasala ai Israel i hiidinga ono haisala, gai au e oha naa denga mommee o ssigidaumaha o Bethel; gai hanga i honga de mommee o ssigidaumaha e duuduu naa ga tili gi honga de gelegele.

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Amos 7:13

aagai koe aude ahe ange gi basa pelaabisi i Bethel, go hiidinga se hale dabu niio de hodooligi, gai go de temple o de nohoanga hodooligi.”

Genesis 26:23

Gai ia ga hano gee i kilaa ga hano gi Beersheba.

Genesis 26:33

Gai ia ga hagaingoo ange de vai laa go Shibah, gai de aduhale laa gu hagaingoo ange go Beersheba ga dae mai ai gi anailaa nei.

Joshua 5:9

Gai Tagi Maolunga ga hai ange gi Joshua, “Ailaa nei gai au e aau gee de hagadogaa o doodou hai hegau hagaduasala i Egypt.” Deelaa ai, de mommee laa gu hagaingoo ange go Gilgal, ga dae mai ai gi anailaa nei.

2 Kings 23:8

Gai ia ne hagaahe mai de gau haimeedabu alodahi i denga aduhale o Judah, gai ia ga oha denga mommee daumaha, mai i Geba ga dae ai gi Beersheba, go mommee a de gau haimeedabu ne dudu ai mee maanongi. Ia ne oha hogi denga mommee daumaha i gaogao de haitoga o Joshua, de goobenaa o de aduhale, i de baasi masui o de haitoga o de aduhale.

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.

Amos 1:5

Au e oha naa denga mee hagamakaga baalanga o de haitoga o Damascus, ma de daa gi maakau dangada e nnoho i de geelonga o Aven, ma de ia e hodooligi i Beth Eden; gai de gau Syria e noonoa naa ga kave gi Kir,” go Tagi Maolunga e hagadaba.

Amos 7:9

Denga mommee daumaha o Isaac e oha naa ga ngadi daakodo, mommee dabu o Israel e oha naa ga maoha, gai au e hebagi ange naa gi de huaabodu o Jeroboam i dagu gadilaasa.”