Amos 5:19 - De Beebaa Dabu

¹⁹ Gai e bei naa dagodo o tangada e savini laa e hano gee i de laiono, gai ia gu hedae ange gi dahi bea; ia e ulu naa i dono hale ga hannagi ange gi de baasi de hale, gai dahi labodo ga kadi ia.

Amos 5:19 Referans Kwoze

Acts 28:4

Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.”

Deuteronomy 32:24

Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.

Ecclesiastes 10:8

Be goai e gelia dahi geelinga e doo ange naa gi ono lodo, gai be goai e oohaa dahi buibui e gaadia naa i dahi labodo hagammau.

Joshua 10:18

Gai Joshua ga hai ange, “Goodou hagadigelia ange hanu hadu nnui bonodia ai ma te haonga laa, ma de dugu hanu daane gi dagidiiloo gilaadeu.

Isaiah 10:2

ma de kave gee de heohi o de gau hagaau aloha, ma tee hagamodu muna o ogu dangada gu duasala laa i de heohi, ma de vaivai hai denga haahine gu maakau olaadeu bodu ma de gaiaa mee o denga gauligi gu deai olaadeu damana.

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?