Amos 4:4 - De Beebaa Dabu

⁴ Goodou hulo gi Bethel ma gi haisala ai; gai hulo gi Gilgal ga duudagi ai doodou haisala. Gaamai oodou sigidaumaha i daiao alodahi, ma oodou sigidaumaha o tahi diba i diba e madaangahulu e gaamai laa i denga dolu ngadau alodahi.

Amos 4:4 Referans Kwoze

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Ezekiel 20:39

Gai oodou dagodo, dangada o Israel, go de Ia Aamua go Iahweh e hagadaba: Dahi ma dahi gi hano gi daumaha ange gi ono diinonga! Aagai dua naa huu mee nei, gai goodou e hagallongo mai gi de au; goodou gu dee hagangadi mee dogu ingoo dabu i oodou mee ngadi gaavange ma oodou diinonga.

Matthew 23:32

Goodou hagalava ina hegau baubau a oodou damana ne daamada laa!

Amos 5:5

goodou gi dee ssala au i Bethel, gai gi dee hulo gi Gilgal, aabe gi seesee gi hulo gi Beersheba. Go hiidinga de gau Gilgal e gaavee gee naa gi dahi henua gee, gai Bethel e hai naa ga se ngadi mommee.”

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Hosea 9:15

Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Mark 14:41

Ia ne ahe mai ange hogi i tolu hanonga ga hai ange gi gilaadeu, “Goodou goi sseni naa huu ma e hagammabu? Gu lava; gu dae mai de aoaa! Tilo, Tama a Tangada e gaavange naa gi de gau haisala.

Mark 5:5

De laangi ma de boo gai ia e noho i magavaa o denga daanunga ma honga mounga, ma e oo ai aama de duuduu dono angaanga i denga hadu.

Amos 3:14

De laangi aagu au e hagaduasala ai Israel i hiidinga ono haisala, gai au e oha naa denga mommee o ssigidaumaha o Bethel; gai hanga i honga de mommee o ssigidaumaha e duuduu naa ga tili gi honga de gelegele.

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Matthew 26:45

Gai ia ga ahe mai gi daho ana dangada agoago ga hai ange gi gilaadeu, “Goodou goi sseni naa huu ma e hagammabu? Tilo, gu dae mai de aoaa e gaavange ai Tama a Tangada gi de gau haisala.

Deuteronomy 26:12

De masavaa naa huu e lava ai de vvae gee tahi diba i diba e madaangahulu o au huamanu alodahi i tolu ngadau, go de ngadau o ssigidaumaha o tahi diba i diba e madaangahulu, gai goodou ga gaavange gi de aamuli o Levi, ma tangada henua gee, ma denga gauligi gu deai olaadeu damana, aama denga haahine gu maakau olaadeu bodu, gi maua ai e gilaadeu i de gaimee ai ga boobosu i oodou aduhale.