Amos 4:11 - De Beebaa Dabu

¹¹ Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Amos 4:11 Referans Kwoze

Zechariah 3:2

Tagi Maolunga ne hai ange gi Satan, “Satan, Tagi Maolunga gi hagaseegina goe! Tagi Maolunga ne hilia laa Jerusalem gi hagaseegina goe! E dee deenei taane e bei laa de laagau, aau ne dada mai i lo te ahi?”

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jude 1:23

ma de hagaola hanu ga aau gee gilaadeu i de ahi; gai degi ange gi de gau ange laa i doodou maatagu — gai goodou kino donu i malo gu hakino gee laa i mee o de angaanga.

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

Amos 4:6

Au ne hai gi deai gai i lodo oodou aduhale alodahi, ma de hai gi deai gai i oodou mommee alodahi, aagai goodou tee aahe mai gi de au, go Tagi Maolunga e hagadaba.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

1 Corinthians 3:15

Gai noo hegau a tangada e odi i de dudu i de ahi, gai ia e deai sono hagaoanga; aagai ia e ola mai i de hagaduasala, bei dagodo o tangada gu ola mai i de ahi.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Jeremiah 49:18

Gai e bei hogi de oha o Sodom ma Gomorrah, madali denga aduhale e paa ange, go Tagi Maolunga e hagadaba, gai e deai naa donu se dangada e nnoho gaainga i kilaa; e deai naa hogi dangada e nnoho i kilaa.

Romans 9:29

Gai e bei donu de hai a Isaiah gu tala ai laa i mua, “Noo Tagi o denga hagabuulinga hebagi tee hagaola hanu i omaadeu hagadiilinga, gai gimaadeu ne bei donu dagodo o Sodom ma Gomorrah.”

Deuteronomy 29:23

De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Deuteronomy 28:24

Gai Tagi Maolunga e hai de langi pala gi ni mama ma paudaa i honga doo henua, gai e hano iho naa gi de goe i de langi, ga dae ai gi doo magau.

Isaiah 9:12

De gau Assyria mai i dua ma de gau Philistia mai i dai e hhanga naa olaadeu ngudu ga holo Israel. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 50:40

Bei de hai a de Maadua ne oha ai laa Sodom ma Gomorrah madali denga mommee e paa ange gi kilaa, go Tagi Maolunga e hagadaba, gai e deai naa donu dangada e nnoho gaainga i kilaa gai e deai naa hogi dangada e nnoho i kilaa.

Hosea 11:5

E aha, gilaadeu e dee aahe naa gi Egypt, gai Assyria e dee dagi naa gilaadeu, i hiidinga delaadeu dee llodo e daahuli olaadeu lodo?

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.