Acts 9:28 - De Beebaa Dabu

²⁸ Gai a Saul ga noho i olaadeu daha ma de hano saele madali gilaadeu i Jerusalem, gai ia ne lo taane i de agoago i de ingoo o Tagi Maolunga.

Acts 9:28 Referans Kwoze

Acts 1:21

Deenei ai, dahi daane mai denga daane nogo hano saele laa madali gidaadeu i masavaa o Tagi Maolunga go Iesu goi noho ai i odaadeu daha,

Galatians 1:18

Aagai dua huu e dolu ngadau gai au ne hano e hedae ange gi Cephas i Jerusalem, ga noho i ono daha i e madaangahulu ma lima laangi.

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

Psalm 121:8

Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai.

1 Kings 3:7

Tagi Maolunga dogu Maadua, anailaa nei gai koe gu hai au, doo dangada hai hegau, gi suuia dogu damana go David gi hodooligi ai, gai au se gauligi donu huu; au e dee iloo donu be ni aha aagu e hai.

2 Samuel 5:2

De masavaa o Saul ne hodooligi ai i mua, gai go koe ne dagina Israel i de hebagi. Gai Tagi Maolunga gu hai adu, ‘Koe gi diiloo ange ogu dangada go de gau Israel, gai koe gi hodooligi i honga o Israel.’ ”

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:29

Tagi Maolunga, koe gi hagalaangona alaadeu muna hagamaatagu, gai hai gi lodo mmahi luoo dangada hai hegau i de tala au muna.

Acts 9:29

Ia ne agoago ma de hagadaumee ange gi de gau Ssuu e pasa Greek laa; deelaa ai, gilaadeu gu nnoho e daa ia gi magau.