Acts 9:10 - De Beebaa Dabu

¹⁰ Aagai e dahi daane gu hagadonusia laa e noho i Damascus, dono ingoo go Ananias. Gai Tagi Maolunga ne hai ange gi de ia i de midi hagaago ange, “Ananias!” Gai ia ga hai ange, “Tagi Maolunga, deenei au.”

Acts 9:10 Referans Kwoze

Acts 22:12

Gai e dahi daane go Ananias dono ingoo, ia se daane e daudali i de hainga, ma de duuhia i daho de gau Ssuu alodahi e nnoho i kilaa,

Acts 10:3

Dahi laangi i daha tolu i muli de hualaangi gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

1 Samuel 3:4

Gai Tagi Maolunga ne hagahi Samuel, gai Samuel ga hai ange, “Deenei au!”

Exodus 3:4

Gai ga gidee huu e Tagi Maolunga bolo Moses gu humai e hagabaa ange e tilo de manu laa, gai de Maadua ga hagahi mai ia i lo te manu somo laa, ga hai ange, “Moses! Moses!” Gai Moses ga hai ange, “Deenei au.”

Genesis 31:11

Gai tangada de langi o de Maadua ne hai mai gi de au i de midi, ‘Jacob.’ Gai au ga hai ange, ‘Deenei au.’

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

Daniel 2:19

Gai gu hagaago ange gi Daniel i de midi de mee e dee iloo laa. Gai Daniel ga tuhi de Maadua o de langi.

2 Samuel 15:26

Aagai noo ia e hai adu, ‘Au e dee malangilangi i de goe,’ gai ia gi haia mai gi de au be se ahe aana e lodo e hai.”

Numbers 12:6

gai ia ga hai ange, “Gooluu nnoho mai hagalaangona agu muna: Noo e dahi pelaabisi i oodou magavaa, gai au, Tagi Maolunga, e hagaago ange naa agu midi hagaago ange gi de ia, ma de basa ange gi de ia i denga midi.

Genesis 14:15

Gai Abram ne vae ono daane hebagi i de boo, ga hebagi ange gi denga daane de baasi gee, ma de doolohi gilaadeu ga hulo gu tae gi Hobah, se mommee i de bido i ngaiho o Damascus.

Acts 9:9

Gai ne dolu ono laangi tee gide ai, ia tee gaimee hogi aabe ne unu.

Acts 11:5

“Dogu masavaa e dalodalo ai i de aduhale go Joppa, gai au ne hai dahi midi hagaago ange. Au ne gidee dahi mee be se malo laumalie ne hagasege iho mai i de langi i ono dege e haa, gai ne hano iho gi dogu mommee iai laa.

Acts 12:9

Gai Peter ga daudali ange i de ia ga sao ai gi duaahaho; gai ia tee iloo donu be mee a tangada de langi laa ne hai ni muna abodonu be deai, ia ne maanadu bolo ia e hai dahi midi.

Acts 16:9

De boo laa gai Paul ne hai dahi midi hagaago ange; ia ne gidee dahi dangada Macedonia e duu ma e dangidangi ange gi de ia ma e hai ange, “Humai gi Macedonia balea mai ai gimaadeu.”

Acts 16:10

Dua dana hai de midi laa, gai gimaadeu ne hagamoolau e hai e hulo gi Macedonia, go hiidinga gimaadeu ne hagataba bolo de Maadua gu hagahi mai gimaadeu gi hulo gi agoagona ange de longo danuaa gi dangada i kilaa.

Acts 18:9

Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

2 Corinthians 11:32

Dogu masavaa nogo i Damascus ai gai de goobenaa i lalo o de hodooligi go Aretas ne hai hanu gi dagidiiloo de haitoga o de aduhale gi boogia ai au.

Galatians 1:17

Au tee hano hogi gi Jerusalem e hedae ange ai gi gilaadeu gu ni dangada tala laa i ogu mua, aagai au ne hano gi Arabia, muli mai gai au ne ahe ga hano gi Damascus.

Acts 9:12

Gai ia gu gidee i de midi hagaago ange, bolo taane dono ingoo laa go Ananias ne humai ga dugu ange luoono lima gi ono elunga gi gide ai ia.”