Acts 8:21 - De Beebaa Dabu

²¹ E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua.

Acts 8:21 Referans Kwoze

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Revelation 22:19

Gai be goai e aaua gee dahi mee mai i muna pelaabisi gu sisi i lo te beebaa nei, gai de Maadua e aau gee naa hogi dono duuhanga mai i de manu o de mouli aama mai i de aduhale dabu gu tala laa olaau dagodo i lo te beebaa nei.

Psalm 36:1

De haisala e basa ange gi lodo o tangada baubau. Gai e deai donu se madagu o de Maadua i ono daha.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Habakkuk 2:4

Tilo, ia e lodo maolunga, gai ono lodo e dee heohi; aagai tangada heohi e mouli donu i dono gai.

2 Chronicles 25:2

Gai ia ne hai hegau i de heohi i mada luu mada o Tagi Maolunga, gai tee hai hegau i de heohi i ono lodo alodahi.

Joshua 22:25

Tagi Maolunga gu vvae odaadeu magavaa i ssaalingaa vai go Jordan; goodou de aamuli o Reuben ma de aamuli o Gad e dee dau ange gi Tagi Maolunga.’ Gai oodou dama e hai naa amaadeu dama gi dee maatagu i Tagi Maolunga.

Ezekiel 14:3

“Tama a tangada, denga daane naa e daudali i denga diinonga i olaadeu lodo, ma de daumaha ange gi de mee e haia ga haisala gilaadeu. E aha, e heohi dagu dugu ange gilaadeu gi siilia mai dahi mee daudahi gi de au?

Deuteronomy 10:9

Deelaa ai, de aamuli o Levi teai donu selaadeu vaaenga ne bolo ai madali olaadeu daina ange laa, go hiidinga delaadeu boolonga go Tagi Maolunga, bei de hai a Tagi Maolunga doodou Maadua gu tala ange ai gi gilaadeu.)

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Nehemiah 2:20

Gai au ne hai ange gi gilaadeu, “De Maadua o de langi e bale mai naa gimaadeu e hagassula ai amaadeu hegau, gai gimaadeu, ono dangada hai hegau e daamada naa de hagaahe age; aagai goodou e deai donu soodou diba, be se heohi ange gi Jerusalem aabe se hagamaanadu.”

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

Leviticus 13:8

gai tangada haimeedabu gi ahe ange gi diiloo de mangeo laa, gai noo gu dolo gi daha, gai tangada haimeedabu gi hagadaba bolo tangada laa gu dee gilimalali; de mee laa go de magi lebelaa.

Acts 8:37

Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]