Acts 8:12 - De Beebaa Dabu

¹² Gai de masavaa huu a dangada ne hagadonu ai agoago a Philip, i dana tala de longo danuaa o de nohoanga hodooligi o de Maadua, ma de ingoo o Iesu Klisdo, aagai denga daane ma haahine gu babudaisi.

Acts 8:12 Referans Kwoze

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 1:3

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Romans 10:10

I hiidinga tangada e hagadonusia i ono lodo e hai hogi ga heohi, gai tangada e daalaa hagadonu mee nei i dono ngudu e hagamouli.

1 Corinthians 11:11

(Gai tagodo donu, de hine e dee maua i tee dau ange gi taane, gai taane e dee maua i tee dau ange gi de hine i lodo o Tagi Maolunga;

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.

Acts 20:25

Aagai iainei au e iloo bolo goodou alodahi gu agoago i ogu daha i dagodo o de nohoanga hodooligi o de Maadua gu dee aahe ange naa donu e gidee au.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 18:8

Gai Crispus, tagi o synagogue gu hagadonusia hogi Tagi Maolunga, madali dangada alodahi i dono hale, gai gu soa hogi dangada Corinth ne hagadonusia i delaadeu langona muna a Paul, gai gilaadeu gu babudaisi.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 5:14

Gai gu kii ange hogi de soa daane ma haahine gu hagadonusia Tagi Maolunga.

Luke 9:60

Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”

Luke 9:2

gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi.

Acts 8:4

Gai dangada ne mavaevae saele laa ne hulo ga agoago muna a de Maadua.

Acts 19:5

Gai ga langona huu e dangada mee nei, aagai gilaadeu gu babudaisi i de ingoo o Tagi Maolunga go Iesu.