Acts 7:45 - De Beebaa Dabu

⁴⁵ Gai odaadeu dubuna madagidagi ne gaamai de hale malo gi de henua nei madali Joshua, i de masavaa alaadeu ne hagadee kii ai denga huaahenua a de Maadua ne hai gi hulo gee mai i olaadeu mada i mua. Deenei ai, gu dagodo ga dae mai ai gi de masavaa o David,

Acts 7:45 Referans Kwoze

Psalm 44:2

Koe ne hai gi hulo gee denga huaahenua, gai ne hai gi nnoho paba omaadeu dubuna madagidagi; koe ne hagaduasala denga huaadangada gai ne hai omaadeu dubuna gi hagadagadaga age.

Acts 13:19

Ia ne daa ga maakau e hidu huaahenua i Canaan, ga gaavange delaadeu henua gi odaadeu dubuna gi henua ai.

Joshua 24:18

Gai Tagi Maolunga ne hai gi hulo gee dangada alodahi mai i omaadeu mada i mua, go de gau Amor ne nnoho laa i de henua. Deenei ai, gimaadeu e daumaha ange naa donu gi Tagi Maolunga, go hiidinga go ia demaadeu Maadua.”

Joshua 23:9

Go hiidinga Tagi Maolunga ne hai gi hulo gee denga huaahenua nnui ma de mmahi mai i oodou mada i mua, gai tigi ai donu se dangada ne maua i de hai baasi adu gi goodou, ga dae mai ai gi anailaa nei.

Joshua 18:1

Gai dangada o Israel ne hagabuni i Shiloh, ga hagaduu de hale malo hagabuni i kilaa. De masavaa laa gai gilaadeu e huahua i de henua,

Hebrews 4:8

Go hiidinga noo Joshua ne maua i de gaavange gi dangada de hagamaabunga nei, gai de Maadua tee hagamodu dahi laangi gi muli mai.

Psalm 78:55

Ia ne hai gi hulo gee denga huaahenua i olaadeu daha; ia ne vaevae ange delaadeu henua gi ono dangada gai ga hagannoho denga aamuli o Israel i lodo olaadeu hale malo.

Nehemiah 9:24

Gai olaadeu hagadiilinga ne hulo ga kave de henua laa. Gai koe ne dugu ange gilaadeu gi hagadee kii ina dangada nogo nnoho i de henua laa, go de gau Canaan, ga hai gilaadeu ma olaadeu hodooligi, aama denga huaadangada o de henua laa gi hai hegau ange gi gilaadeu, ma de hai be ni aha alaadeu e llodo e hai ange gi gilaadeu.

1 Chronicles 21:29

Gai de tabernacle o Tagi Maolunga a Moses ne hai laa i de vao, ma de mommee o ssigidaumaha dudu e daakodo i de mommee daumaha i Gibeon, i de masavaa laa.

1 Chronicles 16:39

Ia ne hai hogi Zadok, tangada haimeedabu, ma de gau haimeedabu ange laa, gi nnoho i gaogao de tabernacle o Tagi Maolunga, i de mommee daumaha i Gibeon,

1 Kings 8:4

Gai gilaadeu ne gaamai de ngavesi a Tagi Maolunga, ma de hale malo hagabuni, aama goloa dabu alodahi nogo daakodo laa i ono lodo. Gai de gau haimeedabu ma denga daane de aamuli o Levi ne gaamai mee laa.

1 Samuel 4:4

Gai denga daane hebagi ne hai gi hulo gi Shiloh, gi gaamai ai de ngavesi o de hagatoo donu hagaheloongoi a Tagi o denga hagabuulinga hebagi, go de ia e noho laa i magavaa luu cherubim. Gai luu dama daane a Eli, go Hophni ma Phinehas, ne hulo madali de ngavesi o de hagatoo donu hagaheloongoi a de Maadua.

Judges 18:31

Gai gilaadeu ne duudagi de daumaha ange gi denga diinonga a Micah ne hai laa, i taulooloa de dagodo de hale o de Maadua i Shiloh.

Deuteronomy 32:49

“Gage age gi de mounga go Abarim, mage hanage gi de mounga go Nebo, i de henua o de gau Moab, i de baasi gee o Jericho, ga tilo adu ai de henua go Canaan, aagu gu dai gaavange gi de gau Israel gi henua ai.

Psalm 80:8

Koe ne sigi mai dahi grapevine i Egypt, koe ne aau gee denga huaahenua gai ga doo de grapevine laa.

1 Chronicles 7:27

dana dama go Nun, dana dama go Joshua.