Acts 5:29 - De Beebaa Dabu

²⁹ Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada.

Acts 5:29 Referans Kwoze

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Genesis 3:17

Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai, de gelegele gu hagamalaia i oo hiidinga; gai koe e gaimee ai naa donu huu noo koe e hagadalea ange aagena, i taulooloa oo laangi e mouli ai.

Exodus 1:17

Gai luu haahine hagahaanau laa ne maatagu i de Maadua. Deelaa ai, gilaau tee daudali i muna a de hodooligi, aagai ne hagaola hogi denga gauligi daane.

Jeremiah 26:12

Gai Jeremiah ga hai ange gi dagi o de henua ma dangada alodahi, “Go Tagi Maolunga donu ne hai mai au gi humai gi basa pelaabisi i dagodo de temple nei aama de aduhale nei, bei doodou hai gu langona ai naa.

Daniel 6:13

Gai gilaadeu ga hai ange gi de ia, “De hodooligi, Daniel, dahi daane ne gaamai laa i Judah e hagangadi mee donu goe, ma de hainga aau gu sisi laa ma gu hagasauaa. Ia goi dalodalo donu huu i e dolu hanonga i de laangi.”

2 Samuel 24:4

Aagai gu kii muna a de hodooligi i muna a Joab ma dagi o denga daane hebagi. Deelaa ai, a Joab ma dagi o denga daane hebagi ne hulo gee mai i daho de hodooligi, ga hulo ga dau de gau Israel alodahi.

2 Kings 16:16

Gai tangada haimeedabu go Uriah ne hai donu ga bei muna a de hodooligi go Ahaz gu tala ange.