Acts 3:7 - De Beebaa Dabu

⁷ Gai Peter ga poo dono lima madau ga hagaduu age ia gi lunga, gai de masavaa laa donu huu gai gu hanu mahi i lodo luoono alohi vae ma lodo luoono gubu vae.

Acts 3:7 Referans Kwoze

Mark 1:31

Gai ia ga hano ga poo dono lima ga hagahidi age ia, gai dono angaanga gu dee vvela. Gai de hine laa ga hidi age ga hai ange hanu gai e gaimee ai gilaadeu.

Acts 9:41

Gai Peter ga poo dono lima ga hagahidi age ia gi duu gi lunga. Gai ia ga hagahi dangada o de Maadua, ma denga haahine gu maakau olaadeu bodu, ga gaavange de hine laa gi gilaadeu, ia gu mouli.

Mark 9:27

Aagai Iesu ga poo dono lima ga hagahidi age ia, gai ia gu hidi ga duu gi lunga.

Mark 5:41

Gai ia ga poo de lima o tamaa hine laa, ga hai ange gi de ia, “Talitha koum!”, e bei “De gauligi hahine, au e hai adu gi de goe, hidi age!”

Luke 13:13

Aagai Iesu ga dugu ange luoono lima gi ono elunga, gai de hine laa gu maua i de duu gi soe gi lunga, aagai ia ga tuhi de Maadua.

Acts 3:6

Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!”

Acts 3:8

Gai taane laa ga hidi age ga duu gi lunga, gai ia ga seesee ga ulu madali gilaau i de temple. Gai ia ne seesee ga lellele gi lunga ga tuhi de Maadua.

Acts 4:9

noo gimaau ne tuu ange gi ssiilingaa muna nei anailaa nei, i hiidinga de hegau danuaa gu hai ange laa gi taane balagelage, ne ieiangi ai nei taane nei,

Acts 4:16

ga hagataba, “Dee hee taadeu hai e hai ai luu daane nei? Go hiidinga dangada alodahi i Jerusalem gu iloo bolo gilaau gu hai dahi mee hagalele mouli laumalie. Gai gidaadeu gu dee maua i de hagahadu muna de mee nei.